Gutxienez 71 pertsona hil dituzte larunbat honetan Gazako Zerrendan
Israelek Gaza hirian lurreko erasoaldia hasi zuenetik izan den egunik gogorrenetako bat izan da gaurkoa. "Gerra hasi zenetik bizi izan ditugun unerik zailenetakoak bizitzen ari gara", ohartarazi dute Bautista Al Ahli ospitaletik.
Gizon bat Gaza hirian, suntsiketaren erdian. Argazkia: EFE
71 pertsona hil ditu, gutxienez, larunbat honetan Israelgo Armadak Gazako Zerrendan, Gaza hirian gehienak, bonbardaketa bortitzen eta lurreko erasoen bidez.
Guztira, 57 pertsona hil dituzte Gaza hirian (iparraldean), hiru Gaza erdialdean eta beste 11 hegoaldean.
"Gerra hasi zenetik unerik zailenak bizitzen ari gara", ohartarazi dute Bautista Al Ahli Ospitaletik, goizean zabaldutako ohar batean. Oraindik martxan dagoen zentro bakarra da, partzialki bada ere, hiriburaren ekialdean, Israelgo tropak sartu diren inguruan.
Zentroak ohartarazi du ia ez duela hornigairik bere pazienteak artatzeko, eta inguru horretako mediku gehienek hiriburutik ihes egin dutela Israelgo operazioaren ondorioz.
Goizean goizetik, Gazako Defentsa Zibileko larrialdi zerbitzuak salatu du bonbardaketak gogortu egin direla hiriburuan, eta bereizi gabe tirokatu dituztela droneek etxebizitzak eta herritarrak.
Bestalde, Hamas talde islamistak salatu duenez, Israelgo Armada lehergailuekin kargatutako eta urrutitik pilotatutako robotak erabiltzen ari da, "zibilen auzoetara sartu eta bertan leherrarazteko, ahalik eta suntsiketa handiena eragiteko".
500.000 palestinar baino gehiagok utzi dute Gaza hiria Israelgo Armadaren arabera
Israelgo Armadak larunbat honetan adierazi duenez, Gaza hirian bizi ziren milioi bat palestinarretatik erdiak baino gehiagok alde egin dute jada, Israelgo Defentsa Indarrek erabat ebakuatzeko agindu ostean.
Bestalde, NBEko batzorde independente batek, giza eskubideen errelatoreak, GKEek eta gero eta herrialde gehiagok genozidiotzat jo dute Israelek Gazako Zerrendaren aurka egindako erasoaldi militarra. Izan ere, 65.200 palestinar baino gehiago hil dira, horietatik 19.000 baino gehiago haurrak.
Espainiako osasun-langileek Gazako lankideak omendu dituzte, bata zuriak jantzi eta eskuak gorriz margotuta
Osasun arloko hainbat kolektibotako osasun-langileek elkarretaratzea egin dute larunbat honetan Madrilen, Bartzelonan, Valentzian eta Vigon, Gazako genozidioa salatzeko eta Palestinako osasun-langileak omentzeko.
Zuriz jantzita eta gorriz margotutako eskuak altxatuta, osasun-langileen hilketa salatu dute, egunero egiten duten lana goraipatu dute eta itsasoz Gazako Zerrendara doan ontzidiarekiko errespetua eskatu dute.
Zure interesekoa izan daiteke
Trumpek bost egun atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango hedabideek, ordea, hartu-emanik egon dela ukatu dute; euren esanetan, Trumpek atzera egin du "Iranek Mendebaldeko Asiako argindar zentral guztiei erasoko ziela jakin ostean".
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.
EBren eta Mercosurren arteko akordioa maiatzaren 1ean sartuko da indarrean, behin-behinean
Gauzak horrela, merkataritza libreko ituna aplikatuko da martxoa amaitu aurretik akordioa onartzen duten Mercosurreko herrialdeen artean. Oraingoz, Argentina, Brasil eta Uruguaik egin dute hori.
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.
"Persiar golko osoan" minak jarriko dituela mehatxu egin du Iranek, AEBk inguru horretako uharteetan erasoa jotzen badu
Irango Guardia Iraultzaileak entzungor egin dio Trumpen mehatxuari. AEBk zentral elektrikoen kontra egiten badu, “modu berean” erantzungo duela adierazi du Guardiak.
Israelek Teheranen aurkako erasoak areagotu ditu, AEBk eta Iranek elkarri egindako mehatxuen ondoren
Israelgo Armadak defentsa sistemak aktibatu ditu Irandik jaurtitako geldiarazteko. Gerra luzatzea benetako aukera da, adituen arabera.
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.