Erresuma Batuak, Kanadak, Australiak eta Portugalek Palestinako Estatua onartu dute
Bien bitartean, Benyamin Netanyahuk esan du ez dela Palestinako Estaturik egongo, eta mehatxatu egin ditu herrialdeak. Horrenbestez, NBEko 150 herrialdek onartzen dute jada Palestina ofizialki, Europar Batasuneko 14 tartean.
Keir Starmer (Erresuma Batua), Mark Carney (Kanada) eta Anthony Albanese (Australia) lehen ministroek Palestinako Estatua ofizialki onartu dutela iragarri dute igande honetan.
Horiekin batera, Portugalek ere bat egin du Ekialde Hurbileko estatu horren onarpenarekin, igande arratsaldean bertan.
Bien bitartean, Benjamin Netanyahu Israelgo lehen ministroak esan du ez dela Palestinako Estaturik egongo "Jordan ibaiaren mendebaldean", eta mehatxatu egin ditu Palestina onartu duten herrialdeak.
Benjamin Netanyahu, Israelgo lehen ministroa
Ez da Palestinako Estaturik izango Jordan ibaiaren mendebaldean"
"Bi estatu sortzeko itxaropena desagertzen ari da, baina ezin dugu argi hori itzaltzen utzi", azaldu du Starmerrek.
Lehen ministro britainiarraren esanetan, irtenbide bideragarri bakarra bi estatu sortzea da. Starmerren arabera, konponbide hori Hamas "erakunde terrorista basatiak" aldarrikatzen duenaren kontrakoa litzateke.
Keir Starmer, Erresuma Batuko lehen ministroa
Bi estatu sortzeko itxaropena desagertzen ari da, baina ezin dugu argi hori itzaltzen utzi"
Mugimenduak aldaketa historikoa ekarri du Erresuma Batuko kanpo-politikan; izan ere, hainbat gobernuk esan zuten errekonozimendua bake-prozesu baten esparruan eta inpaktu diplomatiko handieneko unean bakarrik egin behar zela.
Starmerrek uztailean ohartarazi zuen irailean Londresek jarrera aldatuko zuela Israelek Gazan su-etenik ezartzen ez bazuen eta bi estatuen konponbidea bermatuko zuen akordio jasangarri batekin konprometitzen ez bazen.
Erabakiak Israelgo Gobernuaren, bahituen senideen elkarteen eta Erresuma Batuko Alderdi Kontserbadorearen kritika gogorrak jaso ditu.
Azken iragarpen horiekin, NBEko 150 bat herrialdek onartzen dute ofizialki Palestinako Estatua, Europar Batasuneko 14 tartean. Frantzia, Kanada, Australia, Zeelanda Berria, Espainia, Irlanda, Norvegia, Eslovenia eta Armenia daude horien artean.
Mark Carney, Kanadako lehen ministroa
(Palestinako Estatua onartzeak) ez du inola ere arriskuan jartzen Israelgo Estatuarekiko babes irmoa"
Kanada
Mark Carney Kanadako lehen ministroak azaldu duenez, erabakiak "ez du inola ere arriskuan jartzen Israelgo Estatuarekiko babes irmoa". Izan ere, bi estatu sortzeak "koexistentzia baketsua eta Hamasen amaiera" bilatzen du.
Anthony Albanese, Australiako lehen ministroa
(Australiak) onartzen du Palestinak estatu propioa izateko eskubidea; hala ere, Hamas erakunde terroristak ez du inolako parte hartzerik izan behar"
Australia
Anthony Albanese ministro australiarrak ere babestu du bi estaturen bizikidetza.
Era berean, plan bat egiteko deia egin du Albanesek Gazako Zerrendaren berreraikuntza errazteko eta "Israelen segurtasuna" bermatzeko.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.