Poliziak baieztatu du Manchesterko sinagogako biktimetako bat agenteen tiroen ondorioz hil zela
Poliziaburuaren arabera, Jihad Al-Shamie susmagarriak ez zeraman suzko armarik, eta tiro bakarrak poliziek egin zituzten, baimendutako armekin, erasotzailea sinagogan sartzea eragozten saiatu zirenean. Hori dela eta, biktimaren bala-zauriak agenteek egin behar izan zituzten, nahi gabe bada ere.
Sinagogaren ingurua, Manchesterren. Argazkia: EFE.
Ostegunean Manchesterren (Ingalaterrako ipar-mendebaldea) sinagoga baten aurka izandako atentatuan hildako bi pertsonetako bat agenteen tiroen ondorioz hil zen, Poliziak ostiral honetan baieztatu duenez.
Stephen Watson Manchester Handiko Poliziaren buruak esan duenez, ospitalean larri dauden hiru pertsonetako batek ere bala zauriak ditu.
"Barne Ministerioko patologoak jakinarazi duenez, hildako biktimetako batek tiro batekin bateragarria den zauri bat duela dirudi", esan du Poliziako agintariak.
Watsonek gaineratu duenez, "uste da Jihad Al-Shamie susmagarriak ez zuela suzko armarik, eta tiro bakarrak Manchester Handiko Poliziaren agenteek egin zituztela, baimendutako armekin, erasotzailea sinagogan sartzea eta komunitate juduari kalte gehiago egitea eragozten ari ziren bitartean".
"Beraz, ondorioztatu da, auzitegiko azterketa mediko gehigarriak egin ondoren, zauria (hilgarria) nire ofizialek eraso bortitzari amaiera emateko hartutako premiazko ekintzaren ondorio tragiko eta ustekabekoa izan zitekeela", azaldu du.
Watsonen esanetan, balaz zauritu zuten beste pertsonaren "bizitza ez dago arriskuan".
"Uste da bi biktimak elkarrengandik oso gertu zeudela, Sinagogako atearen atzean, fededunak erasotzailea sar ez zedin saiatzen ari zirenean", esan du Poliziaren buruak.
Bi pertsona hil eta hiru zauritu ziren ostegunean, Jihad Al-Shamie britainiarrak (aurrekaririk gabekoa) auto batekin oinezkoak harrapatu eta gizon bat sastakatu ondoren Yom Kippurreko jaialdi juduan, Heaton Parkeko sinagogan, Manchester iparraldean.
Ostiral honetan emandako informazioarekin jakin da, beraz, hildako horietako bat eta beste pertsona baten zauriak agenteen tiroek eragin zituztela. Susmagarria bera ere Poliziak hil zuen, tiroz.
Hildako beste bi gizonak 53 urteko Adrian Daulby eta 66 urteko Melvin Cravitz dira.
Poliziak ustezko hiru konplize ditu zaintzapean, eta martxan du erasoaren motibazioari buruzko ikerketa.
Shabana Mahmood Barne ministroak eta Poliziak protestak egun batzuez bertan behera uzteko eskatu diete ostiral honetan Palestinaren aldeko protesten antolatzaileei, komunitate juduari dolua egiten uzteko, baina, printzipioz, larunbaterako deituta jarraitzen du Palestine Action debekatutako taldearen aldeko manifestazioa.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.