Maria Corina Machado Venezuelako oposizioko kidea, 2025eko Bakearen Nobel sariduna
Maria Corina Machado Venezuelako oposizioko liderrak irabazi du 2025eko Bakearen Nobel saria, "Venezuelako herriaren eskubide demokratikoak sustatzeko egindako lan nekaezinagatik eta diktaduratik demokraziarako trantsizio justu eta baketsua lortzeko egindako lanagatik", iragarri du ostiral honetan Oslon egoitza duen Norvegiako Nobel Batzordeak.
2025eko Bakearen Nobel saria "bakearen defendatzaile ausart eta konprometitu bati eman zaio, iluntasun gero eta handiagoan demokraziaren garrari bizirik eutsi dion emakume bati", esan du Jørgen Watne Frydnes Norvegiako Nobel Batzordeko presidenteak epaia irakurri duenean.
Machadok erakutsi du demokraziaren tresnak bakearenak ere badirela, azpimarratu du, eta gaineratu du sarituak etorkizun desberdin baten itxaropena irudikatzen duela, herritarren oinarrizko eskubideak babestu eta herritarren ahotsak entzungo diren etorkizun batena.
Venezuelako mugimendu demokratikoaren buru gisa, Machado Latinoamerikako ausardia zibilaren adibiderik apartenetarikoa da, Batzordearen esanetan.
Saritua figura giltzarri eta bateratzailea izan da. Sakon zatituta dagoen oposizio politikoan, hauteskunde askeak egiteko exijentzian bat egitea lortu du, erantsi duenez.
Norvegiako Institutuak 338 hautagaitza erregistratu ditu aurten, 244 pertsona eta 94 erakunde aurkeztu baitituzte hautagai gisa.
Machadok esan du lorpen eta aitortza handia dela Venezuelarentzat
"Hau lorpen handia da gizarte osoarentzat, ni pertsona bat baino ez naiz, ez dut merezi", adierazi du Machadok horren berri jaso ondoren. "Venezuelako herriaren izenean, oso eskertua nago", gaineratu du, harrituta.
Zure interesekoa izan daiteke
Belgikak 2.000 euroko soldata eskaini die urtebeteko soldaduska egin nahi duten 17 urteko boluntarioei
Borondatezko soldaduska 2026ko irailean hasiko da, eta Belgikako Gobernuak 149.000 gutun baino gehiago bidali dizkie herrialdeko 17 urteko gizon eta emakume guztiei.
AEBko Gobernua berriz irekitzea onartu du Senatuak, demokraten arteko zatiketaren ostean
Finantzaketa-paketeak herrialdearen gobernuaren historiako itxialdirik luzeena (41 egunekoa) desblokeatzea ahalbidetu du, zortzi senatari demokraten babesarekin. Alderdiaren baitan krisi gogorra eragin du erabakiak.
Trumpek 1.000 milioi dolarreko salaketa jarriko diola mehatxu egin dio BBCri
Samir Shah BBC katearen presidenteak adierazi duenez, datorrena datorrela, aurre egiteko prest dago. Hala ere, Britainia Handiko parlamentuari barkamena eskatu dio eta dokumentalaren edizioan "irizpide akatsak" izan direla aitortu du.
Batzarrean "gerra egiten duten gizonak falta" direla salatuz ireki du Lulak ofizialki COP30a
Nazio Batuen Erakundeak (NBE) adierazi du klima-aldaketaren auzian ezer ez egiteak geldialdi ekonomikoa eta inflazioa ekarriko dituela, eta erregaiei, finantzaketari eta egokitzapenari buruzko emaitza "argiak" eskatu ditu. 21era arte luzatuko da goi-bilera.
New Delhiko erdigunean leherketa izan da, eta gutxienez zortzi pertsona hil eta 15 zauritu dira
Leherketa Gotorleku Gorriaren aurrean izan da, Indiako hiriburuko erdiguneko gunerik turistikoenetako batean. Oraindik ez da ezagutzen zerk eta nork eragin duen leherketa, baina agintariek eskualdeko eremu gatazkatsuenetan segurtasuna indartu dute.
Fung-wong supertifoiak bi hildako utzi ditu Filipinetan eta Taiwanera bidean da
Gutxienez bi pertsona hil dira eta milioi bat baino gehiago ebakuatu dituzte Filipinetan, 'Fung-wong' supertifoiaren ondorioz. Azken orduetan indarra galdu du eta Hegoaldeko Txinako itsasoan sartu da. Hala ere, adituen ustez, berriro indartu egin daiteke Taiwanera iritsi baino aurretik.
Nicolas Sarkozy aske dago, baldintzapeko neurriekin
Frantziako presidente ohia kartzelatik irtengo da, 20 eguneko espetxealdiaren ostean. Auzitegiak hainbat neurri ezarri dizkio, eta, besteak beste, ezin izango du Frantziatik irten.
Zergatik da garrantzitsua COP30 klima-aldaketari buzurko goi-bilera?
Munduko tenperaturak 1,5 graduko igoeraren langa gainditu zuen 2024an, lehen aldiz, eta geroztik egingo den klimaren inguruko aurreneko goi-bilera da aurtengoa. Azaroaren 10etik 21era egingo da COP30 goi-bilera, Brasilgo Amazonian.
Gobernu federala berriz irekitzeko akordioa lortu dute AEBko Senatuan, bost astez itxita egon ostean
Zortzi senatari demokratak errepublikanoekin bat egin dute neurria desblokeatzeko. Horri esker, 4.000 langile federal baino gehiago itzuliko dira lanera, eta Administrazioa finantzatuko dute 2026ko urtarrilera arte.
Estatu Batuek eta Errusiak gerra hotz nuklearra berpiztu dute: proba nuklearren helburuak eta arma nuklearrak dituzten herrialdeak
Trumpek bezala Putinek ere mehatxu nuklearra hauspotu dute, hiru hamarkada baino gehiagoko barealdiaren ondoren. Errusiak 1990. urtean egin zituen, azkenekoz, proba nuklearrak, eta Ameriketako Estatu Batuek, 1992an.