NBEko Segurtasun Kontseiluak Trumpen Gazako "bake plana" onartu du, nazioarteko indar baten hedapena barne
Hamasek errefusatu egin du ebazpenean aurreikusitako nazioarteko indarra, ohartarazi du nazioarteko misioa ez dela neutrala, palestinarren subiranotasuna urratzen duela eta erresistentzia "eskubide legitimoa" dela. Guterresek dio Gazari buruzko ebazpenak su-etena finkatu behar duela eta zehaztasuna eskatu du.
NBEko Segurtasun Kontseiluak aldeko 13 botorekin, bi abstentziorekin (Txina eta Errusia) eta kontrako botorik gabe onartu du astelehen honetan Donald Trump AEBko presidentearen Gazarako "bake plana" jasotzen duen ebazpena, nazioarteko bake indar baten hedapena barne.
Ebazpen "historikoa" gida "ausart eta pragmatikoa" da, nabarmendu du Mike Waltz AEBk NBEn duen ordezkariak, NBEren New Yorkeko egoitzan egindako bileran.
Trumpek 20 puntu dituen Gazako Gatazkari Amaiera Emateko Plan Integralak Bake Batzorde bat sortzea aurreikusten du, Trumpek berak zuzenduko duena eta Gazako Zerrendari buruzko gaietan azken hitza izango duena.
Gainera, Nazioarteko Egonkortze Indar (ISF) bat sortzea aurreikusten du, 20.000 soldaduk osatua, bake planaren hurrengo faseetarantz aurrera egin ahal izateko, finean Israelgo indarrak Gazatik erretiratzea eta estatu palestinar bat sortzea aurreikusten duena.
Antonio Guterres Nazio Batuen idazkari nagusiak adierazi duenez, ebazpena "urrats garrantzitsua" da "su-etena sendotzeko", eta alde guztiek "errespetatu" behar dute.
"Funtsezkoa da orain bultzada diplomatikoa neurri zehatz eta premiazkoekin bideratzea . Nazio Batuek agindu dizkioten eginkizunak betetzeko konpromisoa hartu dute ", adierazi du Guterresek Stéphane Dujarric bozeramailearen ohar baten bitartez.
Guterresek azpimarratu duenez, AEBren planaren bigarren faseak "bi Estaturen konponbidea lortzeko prozesu politiko batera" eraman behar du, "NBEren aurreko ebazpenekin bat etorriz".
Hamasek errefusatu egin du erreoluzioa
Erresistentzia Islamikoaren Mugimendua (Hamas) NBEko Segurtasun Kontseiluak astelehen honetan onartutako 2803 Ebazpenaren aurka agertu da, eta bereziki kritikatu du Gazako zerrendan hedatu nahi den nazioarteko indarra. "Gazako Zerrendan nazioarteko indar bati zereginak eta funtzioak emateak, erresistentziaren armagabetzea barne, neutraltasuna kentzen dio misioari eta, gatazkaren parte bihurtzen da okupazioaren mesedetan", adierazi du talde palestinarrak ohar batean.
Hamasek errefusatu egin du balizko armagabetzea, "erresistentziaren armak okupazioaren existentziarekin lotuta daudelako", eta argudiatu du desarmea etorriko bada "okupazioaren amaiera, Estatu palestinarraren ezarpena eta autodeterminazioa bermatuko dituen prozesu politiko" baten barruan soilik etorriko dela.
Hala, Hamasen ustez, ekimen horrek "mekanismo bat ezartzen du okupazioak (israeldarrak) bere suntsipen gerra basatiaren bidez lortu ez dituen helburuak lortzeko", eta ohartarazi duenez "okupazioari baliabide guztien bidez aurre egitea nazioarteko legeek eta konbentzioek bermatzen duten eskubide legitimoa" da.
Gainera, azpimarratu duenez, Segurtasun Kontseiluaren ebazpen berriak "ez ditu gure herri palestinarraren eskaerak eta eskubide politiko eta humanitarioak asetzen", eta gogorarazi duenez "gerra horren eraginek eta ondorioek gaur arte irauten dute, Trump presidentearen planaren arabera gerra amaitu bazen ere".
Horregatik, "okupazioak sortutako aurrekaririk gabeko hondamendi humanitarioaren" aurrean, dei egin du Gazako zerrendan laguntza humanitarioa sartzea "politizaziotik, xantaiatik edo mekanismo konplexuetatik" bereizteko.
Era berean, Hamasek deitoratu du ebazpen horrek "Gazako Zerrenda eta gainerako lurralde palestinarrak banandu egiten" dituela eta "errealitate berri bat inposatu" nahi duela. Horren aurrean Jerusalemen hiriburua duen estatu palestinar bat sortzeko beharra defendatu du.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.