Frantziako Asanblea Nazionalak Gizarte Segurantzako aurrekontua onartu du
Sebastien Lecornuk urte amaierako lehen azterketa gainditu du, nahiz eta orain testua Senatuan bozkatu beharko duten. Garaipenak, hala ere, 2026rako kontu orokorrak onartzeko bidea erraztuko dio.
Lecornu, Asanblea Nazionalean. Argazkia: EFE.
Frantziako Asanblea Nazionaleko diputatuek bigarren irakurraldian onartu dute Gizarte Segurantzaren finantzen lege proiektua, eta Sebastien Lecornu lehen ministroari arnasa eman diote. Tentsioz eta zalantzaz betetako jardunaldiaren ondoren, azkenean, aldeko 247 boto, kontrako 234 eta 93 abstentzio lortu ditu testuak.
Oraingoan, sozialisten babesa eta ekologista gehienen abstentzioa jaso ditu Lecornuk. Izan ere, proiektuak haien eskaera nagusia jasotzen du: pentsioen erreforma bertan behera uztea.
Testua Senatuan onartu beharko dute, eta gero Asanblea Nazionalera itzuliko dute, behin betiko onartzeko.
Negoziazio luzeen ostean, Lecornuk garaipen garrantzitsua lortu du Ganberan, baina lanean jarraitu beharko du 2026ko aurrekontu orokorrak urtea amaitu baino lehen onartzeko.
X sare sozialeko bere kontuan, lehen ministroak goraipatu du "interes orokorrean aurrera egitea ahalbidetu duen erantzukizun-gehiengoa" dagoela Asanblean.
Aldiz, alderdi zentrista eta kontserbadorreek, tartean Les Républicains eta Horizons, uko egin diote proiektu hori babesteari, ezkerrari "kontzesio gehiegi" egin dizkietela eta, eta diputatu gehienak abstenitu egin dira.
Bruno Retailleau errepublikanoen buruak adierazi duenez, aurrekontu horrek "adreiluzko horma baten kontra darama Frantzia".
Hain zuzen ere, Lecornuren gobernuaren 2026ko helburuetako bat Frantziako aurrekontu-defizita (euroguneko handienetako bat) BPGren % 5 baino gutxiagora murriztea izango da.
Zure interesekoa izan daiteke
Liam Conejo haurra eta bere aita aske utzi dituzte eta Minneapolisen dira dagoeneko
Dilleyko zentrotik (San Antonioko hegoaldean, Texas) askatu dituzte aita-seme ekuadortarrak, Fred Biery epaile federalak larunbatean emandako agindua betez.
Drone errusiar batek 15 meatzari hil ditu Ukraina erdialdean
Energia sistemak helburu dituzten erasoak denbora baterako etenda egon beharko lirateke, AEBk, Errusiak eta Ukrainak adostutakoa betez gero. Muturreko hotza tarteko, ituna egin zuten hiru herrialde horiek, eta Kremlinaren arabera, gutxienez gaur arte iraun beharko luke meniak.
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.