Mundua Oslora begira dago Machadok Nobel saria zuzenean jasoko ote duen zain
Antolatzaileek esan dutenez, uneotan ezin dute zehaztu Bakearen Nobel sariaren ekitaldira Machado noiz eta nola iritsiko den jakiteko.
Maria Corina Machado Venezuelako oposizioko buruak astearte honetan Oslon, Bakearen Nobel saria jasotzeko bezperan, eman behar zuen prentsaurrekoa bertan behera uzteak zalantzan jarri du zeremoniara joango ote den.
Hasiera batean, Nobel Institutuak 13:00etarako aurreikusita zegoen agerraldia atzeratu du, eta hainbat ordu geroago bertan behera utzi du behin betiko, Machadok Venezuelatik irteteko zituen zailtasunak direla eta. "Maria Corina Machadok berak adierazi du zein zaila izango den Oslorako bidaia. Beraz, une honetan ezin dugu informazio gehiago eman Bakearen Nobel Sarirako noiz eta nola iritsiko den jakiteko", jakinarazi du antolakuntzak ohar labur batean.
Machadok berak duela egun batzuk baieztatu zion Nobel Institutuari Norvegiako hiriburura joango zela saria jasotzera. Urtarrilean egin zuen lehen agerraldi publikoa. Clara Machado Parisca ahizpak Blu Radio Kolonbiako irratiarekin izandako elkarrizketa batean esan duenez, Nobel sariaren helburua "gurekin hemen egotea" da, eta horregatik espero dute "laster iritsiko dela". Norvegiako hiriburuan daude, halaber, ama, Corina Parisca, eta alaba, Ana Corina Sosa, eta bihar izango den zeremonian bere bi anaiak izango ditu lagun.
Era berean, Latinoamerikako eskuindarren ordezkari ugari joan dira Oslora Venezuelako oposizioaren buruzagiari babesa ematera, hala nola Argentina, Paraguai eta Panamako presidenteak.
Machado klandestinitatean bizi da iazko uztaileko presidentetzarako hauteskundeetan iruzurra egon zela salatu zuenetik. Azken agerraldi publikoa urtarrilean izan zen, Nicolas Madurok kargua hartu bezperan.
Norvegiako erakundeen protestak
Bien bitartean, berrehun bat lagunek parte hartu dute astearte honetan Norvegiako dozena erdi erakundek bultzatutako elkarretaratzean, Maria Corina Machadori Bakearen Nobel saria ematearen aurka. Bakearen saririk ez belizistentzat eta Estatu Batuak, Latinoamerikatik kanpo lelopean, manifestariek elkarretaratzea egin dute Osloko Nobel Institutuaren egoitzaren aurrean.
"Machadok ez du Bakearen Nobel saria merezi. Saria elkarrizketa baketsuaren alde dagoen eta jendea batzen duen norbaiti eman beharko litzaioke", esan du Kari Anne Næss 1885ean sortutako bakearen aldeko elkarte norvegiarreko presidenteak.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.