Norvegia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Bertan behera utzi dute Maria Corina Machadok Osloko Nobel Institutuan eman beharreko prentsaurrekoa, eta zalantzan dago saria jasotzeko izango egongo ote den

Venezuelako oposizioburuak Norvegiako hiriburura joan egingo dela ziurtatu dio Nobel Institutuari. Hala izango balitz, Machado 2024ko abuztua ezkero lehenengoz agertuko litzateke jendaurrean. Bakearen Nobel Batzordearen buruak bidaia "arriskutsua" dela esan du, Nicolas Maduroren Gobernuak Machadoren aurka har ditzakeen errepresaliak direla eta.

Oslo (Norway), 08/12/2025.- Security measures in front of the Grand Hotel in Oslo, Norway, 08 December 2025, in connection with the Nobel Peace Prize. Venezuelan opposition leader Maria Corina Machado is expected to arrive in Norway to receive the Nobel Peace Prize, according to a Norwegian official. The Nobel Prize ceremonies for 2025 are scheduled to take place on 10 December 2025, in both Stockholm and Oslo, as the central event of the Nobel Week 2025 running from 06 to 12 December. (Noruega, Estocolmo) EFE/EPA/LISE ASERUD NORWAY OUT

Dena prest, Osloko Grand Hotelean, Bakearen Nobel saria emateko. Argazkia: EFE

author image

EITB

Azken eguneratzea

Maria Corina Machado Venezuelako oposizioko kideak Bakearen Nobel saria jasoko du asteazken honetan, Oslon, astearte honetan hasiko den ekitaldi programaren baitan. Golardo hori lortu duen zazpigarren latinoamerikarra da Machado. Dena dela, bertan izango ote den ezbaian dago. 

Hala ere, Osloko Nobel Institutuak larunbatean EFEri jakinarazi zionez, Machadok berak egun bat lehenago Norvegiako hiriburura joan egingo zela ziurtatu zuen, telefono bidez.

Jørgen Watne Frydnes Bakearen Nobel Batzordearen buruak "arriskutsutzat" jo du bidaia, Nicolas Maduro Venezuelako presidentearen errepresaliak direla eta. Gauzak horrela, Machadoren segurtasuna bermatzearen garrantzia azpimarratu du, Machado Venezuelara itzuli ahal izateko.

Ekitaldien egitarau ofiziala asteartean irekitzea aurreikusita zegoen, ohi legez, irabazlea Bakearen Nobel Institutuan, sariaren erabakiaren berri zabaltzen den lekuan, prentsaurreko batekin. Hala ere bertan behera geratu da hori, Machado Norvegiako hiriburura noiz eta nola iritsiko den ezin delako aurreikusi, antolatzaileek iragarri dutenez.

Nolanahi ere, Machado Oslon dagoenean, institutuko areto batean bilduko da Norvegiako Nobel Batzordeko kideekin. Norvegiako Parlamentuak sei urtean behin izendatutako bost pertsonak osatuko dute, eta saridunak gonbidatuen liburuan sinatuko du. Nobel Batzordeak Machado omenduko du gero, Grand Hotelean, afari batekin.

Saria udaletxean jaso aurretik, handik metro gutxira, Machadok Save the Children GKEak antolatutako ekitaldian parte hartuko du. Haurrek eurek egindako ikuskizuna da; aurten Bakerako Nobel Zentroaren kanpoaldean egingo da, eta ez barruan.

Ekitaldia 13:00etan (12:00 GMT) hasiko da, Osloko udaletxean.

Mila gonbidatu inguru izango dira zeremonian, Norvegiako errege-familia buru dela (Harald V.a eta Sonia errege-erreginak, Haakon eta Mette-Marit printze-printzesa oinordekoak eta Ingrid Alexandra). Norvegiako Gobernuko kideak, diputatuak, gizarte zibileko ordezkariak eta talde diplomatikoko kideak ere joango dira ekitaldira.

Nobel Batzordearen buruak lehen hitzaldia emango du, eta, ondoren, Machado oholtzara deituko du sariaren diploma jasotzeko. Aurten 11 milioi koroa suediar (milioi bat euro) eta domina jasoko ditu.

Trumpek Machadori Bakearen Nobel saria eman dio: "Berak deitu dit eta nire omenez onartzen duela esan dit"
Maria Corina Machado oposizioko kide venezuelarra, 2025eko Bakearen Nobel sariduna
Nobel Sariak Venezuela Norvegia Nicolás Maduro Munduko albisteak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X