EBko herrialdeak deituko ditu Costak datozen egunetan, Trumpi erantzun bateratua emateko
Igande honetan Europako enbaxadoreekin izandako bileraren ostean, Europako Kontseiluko presidenteak azpimarratu du EBko herrialdeak prest daudela "edozein hertsapenen" aurrean bere burua defendatzeko, baina baita "interes komuneko gai guztietan AEBrekin modu eraikitzailean hitz egiten jarraitzeko ere".
Antonio Costa Europako Kontseiluaren presidenteak ezohiko bilera batera deituko ditu estatu kideak "datozen egunetan", Donald Trump AEBko presidenteak Groenlandiara tropak bidali zituzten zortzi herrialdeei muga-zergak ezartzeko mehatxua egin duela eta Europako enbaxadoreekin premiazko bilera bat egin ostean.
Europako iturrien arabera, Costak aurrez aurreko bilera deitu dezake urtarrilaren 22an, ostegunarekin.
Igandean argitaratutako ohar batean, Europako Kontseiluko presidenteak gaineratu du "Groenlandiaren inguruko azken tentsioen inguruan" estatu kideekin egindako kontsultetan argitu egin zuela Europak Dinarmarkari eta Groenlandiari babesa eta elkartasuna emateko "konpromiso irmoa" duela, baita "nazioarteko zuzenbidearen, lurralde osotasunaren eta subiranotasun nazionalaren printzipioekiko" ere.
Estatu kideek "Artikoan bakearen eta segurtasunaren alde partekatutako interes transatlantikoa" onartzen dutela ziurtatu du, "bereziki NATOren bidez lan eginez". Era berean, baieztatu du, kideen ustez, "muga-zergek harreman transatlantikoak ahulduko lituzketela eta AEB-EB merkataritza akordioarekin bateraezinak" direla.
Gainera, azpimarratu du EBko herrialdeak "edozein hertsapenen aurrean" bere burua defendatzeko prest daudela, baina baita "interes komuneko gai guztietan AEBrekin modu eraikitzailean hitz egiten jarraitzeko" ere.
Enbaxadoreen bilera
Igandeko bileran, enbaxadoreek Europar Batasunaren (EB) eta AEBren arteko harremanei buruz eztabaidatu zuten eta AEBko mehatxuei emango zaien erantzuna koordinatu zuten.
Europarrek hainbat errepresalia aukera dituzte mahai gainean, besteak beste, Europako Batzordeak iaz AEBren aurka prestatu zuen kontraneurrien sorta. Herrialde horrekin merkataritza gerra saihesteko akordiorik ez lortzekotan abiarazteko plana zen hori.
Zehazki, EBk herrialde kide gehienek onartutako kontraneurrien sorta gorde zen une hartan tiraderan, 93.000 milioi eurokoa, abuztuaren 7tik aurrera modu mailakatuan indarrean jarri beharrekoa, azkenean akordiorik lortzen ez bazen, eta edozein unetan berraktibatu daiteke.
"Bistakoa da; zerbait mugituko da, gaur ez bada, laster", esan zuen iturri diplomatiko batek, eta gaineratu zuen "nahiko erraz eta azkar" berraktiba daitezkeela eta EBrentzat "ageriko abiapuntua" dela.
Hala ere, "horrek ez ditu beste neurri batzuk baztertzen", adierazi zuen iturriak.
Enbaxadoreek Europako hertsapenaren aurkako tresna erabili ala ez ere eztabaidatu zuten. Mekanismo horrek hilabeteak beharko lituzke aktibatzeko, baina EBren erantzun irmoagoa izango litzateke.
Eliseoko iturrien arabera, Frantziak "Europaren erantzun irmo, batu eta koordinatuaren garrantzia berretsi zuen solaskideen aurrean, AEBk muga-zergen mehatxua eginez gero hertsapenaren aurkako tresna aktibatzearen alde eginda".
Ursula Von der Leyen Europako Batzordearen presidenteak bileraren ostean adierazi zuenez, EBko kideok "tinko eusten diogu Groenlandiaren eta Danimarkako Erresumaren subiranotasuna defendatzeko konpromisoari".
"Beti babestuko ditugu gure interes estrategiko ekonomikoak eta segurtasunekoak", gaineratu du Von der Leyenek Xn idatziriko mezu batean, eta honako hau azpimarratu du: "Elkartasun erronka horiei tinko eta erabakitasunez egingo diegu aurre".
Trumpek mehatxu egin zuen otsailaren 1etik aurrera % 10eko muga-zergak ezarriko zituela Groenlandiara tropak bidali zituzten Alemaniako, Frantziako, Erresuma Batuko, Suediako, Norvegiako, Herbehereetako, Finlandiako eta Danimarkako produktuen gainean, Artikoko uhartea anexionatzeko asmoei babesa emateko presio neurri gisa. Kopuru hori % 25era igo liteke ekainetik aurrera, jarrera horri eutsiz gero.
Zure interesekoa izan daiteke
AEBren arabera, Ormuzeko itsasartean minak jartzen ari ziren 16 itsasontzi irandar suntsitu dituzte
AEBko Komando Zentralak bideo bat zabaldu du Irango ontzien aurkako erasoekin. Adierazi dutenez, operazioaren helburua da nabigazioa berriz martxan jartzea.
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko bide bakartzat.
Mundua Ormuzera begira dagoen bitartean, gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzeko itsasartean eta, ez kentzekotan, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.