AEBren arabera, Ormuzko itsasartean minak jartzen ari ziren Irango 16 itsasontzi suntsitu dituzte
AEBko Komando Zentralak bideo bat zabaldu du, Irango ontzien aurkako erasoak ikusgai. Adierazi dutenez, operazioaren helburua da nabigazioa berriz martxan jartzea.
Ameriketako Estatu Batuetako (AEB) Armadak Ormuzko itsasartetik gertu Irango 16 ontzi minatzaile suntsitu dituela esan du, Iranen aurkako erasoen testuinguruan. AEBko Komando Zentralak (Centcom) operazio horien berri eman du X sare sozialean argitaratutako mezu batean, eta bideo bat zabaldu du, portuetan amarratutako txalupa txikien aurkako erasoak ikusgai.
Ordu batzuk lehenago, Donald Trump AEBko presidenteak adierazi du bere herrialdeko indarrek ontzi horietako hamar suntsitu dituztela. Truth Social sare sozialean argitaratutako mezu batean, agintariak adierazi du tropek "10 ontzi eta/edo aktibo ez zeuden minak jartzen ari ziren ontziak suntsitu" dituztela, eta gaineratu du eraso gehiago izango direla.
Centcomen arabera, azken hamaika egunotako bonbardaketek "Irango erregimenak itsasoan boterea proiektatzeko eta nazioarteko itsas garraioari jazartzeko duen gaitasuna degradatzen ari dira". AEBko aginte militarraren arabera, gainera, Iranek hainbat urtez mehatxatu izan du nabigatzeko askatasuna, munduko segurtasunerako funtsezkoak diren uretan.
Tentsioaren fokua Ormuzeko itsasartean dago. Izan ere, hainbat hedabidek, tartean CNNk, AEBko Inteligentziako iturriak aipatuta, Iran inguruan minak jartzen hasi dela berri eman dute. Iturri horien arabera, oraingoz hamarnaka baino ez dira zabaldu, baina Teheranek ehunka gehiago jartzeko gaitasuna du oraindik.
Ormuzko itsasartea munduko energia-pasabide estrategikoenetako bat da, eta handik igarotzen da munduko petrolioaren % 20 inguru, funtsezko beste baliabide mineral batzuez gain. Egoerak kezka eragin du energia-merkatuetan, bereziki Irango Guardia Iraultzaileak itsas pasabidea zeharkatzen zuen edozein ontziri eraso egiteko mehatxua egin ondoren.
Hasiera batean, Irango agintariek ukatu egin zuten itsasartea itxi izana, baina geroago adierazi dute ez dela posible segurtasuna bermatzea egungo tentsio-testuinguruan.
Zure interesekoa izan daiteke
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.
AEBn indarkeria politikoa "beti" egon izan dela adierazi du Trumpek
AEBko presidenteak ez du uste indarkeria politiko gehiago dagoela, baina ohartarazi du demokraten gorroto diskurtsoa "arriskutsua" dela.
Siziliatik 50 ontzitik gora itsasoratuta, Gazara bidean da Global Sumud Flotillaren misiorik handiena
Global Sumud Flotillak orain arte koordinatutako itsas mobilizazio zibil handiena dago martxan, eta eurekin doaz Open Arms erreskate-ontzia eta Greenpeacen Arctic Sunrise ontzia ere. "Horiek gure ondoan egoteak misioaren gaitasun operatiboa indartzen du eta erakusten du Israelen legez kanpoko blokeoari aurre egiteko eta sarbide humanitario segurua bermatzeko ahaleginen inguruko adostasun globala gero eta handiagoa dela", azpimarratu du Global Sumud Flotillak.
AEBrekin negoziatzen jarraitzeko "baldintza espezifikoak" ezarri dituztela adierazi du Iranek
Irango hedabideen arabera, Ormuzko itsasartea zabaltzeko eta programa nuklearrari buruzko negoziazioak atzeratzeko proposatu du Iranek. Ameriketako Estatu Batuetako Armada Irango portuak blokeatzen hasi zenetik 38 itsasontziri Ormuzko itsasartetik igarotzea galarazi die.
Washingtongo erasoaren ustezko egileak Trumpen Gobernuaren kontrako idatzi bat utzi zuen
1.052 hitz dituen manifestu horretan, AEBko presidentearen Administrazioko goi kargudunak lehenesten ditu helburuen artean, FBIko zuzendari Kash Patel salbu.
Trumpek esan du kristautasunaren kontrako arrazoiek bultzatuta jardun zuela tiroketaren ustezko egileak
Trumpek susmagarria "antikristaua" dela nabarmendu duen arren, AEBko fiskal nagusia zuhurrago agertu da; adierazi du gailu elektronikoen analisiak Administrazioaren aurkako erasoa izan dela egiaztatu duela, baina esan du ikerketak 24 ordu baino ez dituela bete eta arrazoi ofizialak analisipean jarraitzen dutela.
Txernobylgo tragediaren 40. urteurrena oroitu dute Ukrainan
Kieven, Txernobylgo heroien monumentuaren aurrean oroimen ekitaldia egin zuten bart, historiako hondamendi nuklearrik larriena gertatu zenetik 40 urte bete direnean. Leherketa gertatu eta gero, istripua izan zuen erreaktorera joan ziren larrialdi-zerbitzuetako taldeak omentzeko eraiki zen monumentua.
Irango Atzerri ministroa Pakistanera itzuli da, AEBrekin abiatutako negoziazioen egoitzara
Iranek, Israelek eta AEBk apirilaren 7 edo 8ra arte adostu zuten hasiera batean su-etena, baina luzatu egin dute negoziazioak bukatu arte.