Iranek gezurtatu egin du Trump, eta estatubatuar pilotuaren erreskatea eragotzi duela esan du
AEBko presidenteak ziurtatu du onik erreskatatu dutela. Teheranek, ordea, esan du AEBko aireontziak suntsitu dituztela eta operazioak "porrot" egin duela.
F15 hegazkin bat, lurreratzen. Argazkia: Europa Press
Donald Trump AEBko presidenteak Truth sare sozialean Iranen eraitsitako F15eko pilotuaren erreskatea iragarri eta ordu batzuetara, Teheranek gezurtatu egin du, eta operazio hori zapuztu duela adierazi du.
Donald Trump AEBko presidenteak igande honetan sare sozial horretan esan duenez, Iranek eraitsitako F15 ehiza hegazkina bota ostean, AEBko indarrek Irango lurretan desagertuta zegoen pilotua aurkitu eta bizirik erreskatatu dute.
"Lortu dugu! Azken orduetan, AEBko Indar Armatuek bilaketa eta erreskate operazio ausartenetako bat egin dute, gure tripulazioko ofizial harrigarri bat erreskatatzeko", zabaldu du Trumpek bere argitalpenean.
Horren aurrean, Iranek ordu batzuk geroago adierazi du eragotzi egin dutela AEBk pilotua erreskatatzeko egin duen saiakera, zenbait aireontzi harrapatuta.
"Etsaiak Isfahan hegoaldean zituen aireontzi inbaditzaileak, bi Black Hawk helikoptero eta C-130 garraio militarreko hegazkin bat tartean, harrapatu ditugu (...) eta pilotua erreskatatzeko saiakerak porrot egin du", ziurtatu du Ebrahim Zolfagari koronelak, Khatam al-Anbiya Kuartel Nagusiko bozeramaileak, Tasnim agentziak jakinarazi duenez.
Guardia Iraultzaileak, Armadak, Basij miliziak eta segurtasun indarrek batera egin dute operazioa.
Guardia Iraultzaileak ohar baten bidez adierazi duenez, aireontziak suntsitu dituzte operazioan, eta "beste porrot umiliagarri bat" izan da AEBrentzat.
Ostiralean, Iranek AEBko F-15 ehiza hegazkin bat bota zuen bere lurraldean, otsailaren 28an gerra hasi zenetik lehen aldiz. Bi tripulatzaileetako bat erreskatatu zuten, baina bestea ez.
F-15 hegazkina eraitsi zuten ia une berean, beste hegazkin militar bat, A-10 Warthog bat, Ormuzko itsasartetik gertu erori zen, eta Iranek jakinarazi zuen berak eraitsi zuela hori ere.
Zure interesekoa izan daiteke
Italiako lau aireportuk hegazkinen erregai hornidura mugatu dute
Air BP Italia operadoreak hornidura murrizketak iragarri ditu Milan-Linateko, Boloniako, Veneziako eta Trevisoko aireportuetan, baina ez du argitu hornidura falta hori zerk eragin duen.
Artemis II misioa, asteleheneko Ilargiaren inguruko hegaldirako prestatzen
Tripulazioa Ilargiaren alderdi ezkutua behatzeko prestatzen ari da, urruntze markak ontzen ari den misioan. Helburu zientifikoak fintzen dituzten bitartean, astronautek gorabehera teknikoak izan dituzte, hala nola Orion ontziko komuneko matxurak.
Israelek Libanon egindako erasoek 1.400 lagun hil dituzte dagoeneko
Gaur, larunbata, Israelgo Armadak baieztatu du Libano hegoaldean eta Beiruten hainbat eraso burutu dituela Hezbollahren milizien eta Palestinako Jihad Islamiarraren egituren aurka.
Trumpek Irani gogorarazi dio 48 orduan iraungiko dela bere ultimatuma
"Gogoratzen al duzue Irani 10 eguneko epea eman niola akordioa adosteko edo Ormuzko itsasartea irekitzeko? Bada, denbora amaitzen ari da: 48 ordu geratzen dira infernua hasteko", esan du Trumpek Truth Social plataforman argitaratutako mezu batean.
Berlingo harresi zatien salmenta negozio bihurtu da
Aste Santuan, Berlin da Europa osoan bisitari gehien jasotzen dituen hiriburuetako bat, eta hainbat hamarkadatan hiria bitan banatu zuen harresiaren zatien salmenta negozio bihurtu da. Neurri guztietako zatiak saltzen dira, baina kontuz, guztiak ez baitira benetakoak. Harresi zatiak erostearekin batera, duela 40 urte Berlin banatzen zuen Checkpoint Charlie bisitatu eta argazkiak ateratzea ere modan jarri da. Kapitalismoaren sinbolorik handiena du gaur egun ondoan.
Beiruteko nekazarien azoka sukalde solidario handi bilakatu da
Besteak beste World Central Kitchen gobernuz kanpoko erakundeen finantzaketa jasotzen dute. Tokiko nekazarien produktuekin prestatzen dituzte jakiak, premian daudenek etxean bezala jan dezaten. Beharra gero eta handiagoa da, desplazatuen kopurua etengabe hazten ari delako.
Buxehrko zentral nuklearraren eta Khuzestango eremu petrokimikoaren aurkako eraso gehiago salatu ditu Iranek
"Eraso horren hedatze uhinaren eta metrailaren ondorioz, zentral elektrikoaren alboko eraikinetako bat kaltetu da, eta, zoritxarrez, segurtasun saileko langileetako bat hil da", jakinarazi du instalazioko langile batek. Irango agintariek nabarmendu dutenez, zentrala martxan dago.
Energia enpresen etekinei zerga ezartzeko eskatu dute Alemaniak, Italiak, Espainiak, Portugalek eta Austriak
Bost herrialde horietako Finantza ministroek gutuna igorri diote Europako Batzordeari. Argudiatu dutenez, "gerraren ondorioz etekinak lortzen ari diren konpainiek euren partetik ipini behar dute herritarren gaineko zama arintzeko”.
Lurra, 'Orion' espazio ontzitik ikusita
Misioa aurrera doa, Ilargirantz, eta distantzia horretatik Lurraren irudiak hartu dituzte, astelehenean satelitera iritsi aurretik.