Magyarrek bi hereneko gehiengoa lortu du Hungariako Parlamentuan, botoen % 80 zenbatuta
Botoen % 81,5 zenbatuta, oposizioak 199 eserlekuetatik 137 lortu ditu, eta Viktor Orban ultraeskuindarraren Fidesz alderdiak, berriz, 55. 2010az geroztik, gehiengo osoarekin gobernatu du Europa erdialdeko herrialdea.
Peter Magyar oposizioko buruzagi kontserbadorea. Argazkia: EFE
Hungarian egindako hauteskunde legegileetako botoen bi heren baino gehiago zenbatuta, Peter Magyar oposizioko buruzagi kontserbadoreak eta Tisza bere alderdiak bi hereneko gehiengoa lortu dute Parlamentuan.
Botoen % 81,5 zenbatuta, oposizioak 199 eserlekuetatik 137 lortu ditu, eta Viktor Orban ultraeskuindarraren Fidesz alderdiak, berriz, 55. 2010az geroztik, gehiengo osoarekin gobernatu du Europa erdialdeko herrialdea.
22:10 aldera (19:55 GMT) 7 eserleku lortu ditu hirugarren alderdi bozkatuenak, MHM eskuin muturreko mugimenduak, % 5eko babesa lortuta.
Emaitza hori berretsiz gero (133 ordezkaritik aurrera), Tiszak Hungariako Zuzenbide Estatua berreraikitzeko hauteskundeetan emandako hitza bete lezake, Orbanek sistema bere nahira erreformatu baitzuen, Konstituzio berri batekin, eta prentsa-askatasuna edota beste oinarrizko eskubide batzuk mugatzen zituzten legeekin.
Orbanek berak onartu egin du hauteskundeetako porrota, eta Magyar zoriondu du lortutako garaipenagatik. "Guretzat emaitza mingarria da, baina argi geratu da ez dugula gobernatzeko ardura izango", esan du Orbanek bere jarraitzaileen aurrean. Hauteskundeak irabazi dituen alderdia zoriondu du, eta bere alderdiari 2,5 milioi boto-emaile inguruk emandako babesa eskertu du.
Hala ere, 2010etik agintean izan den buruzagi populistak, oposiziotik jardungo duela ziurtatu du. "Ez dugu amore emango! Inoiz ez dugu amore emango!", esan du Orbanek bere jarraitzaileen aurrean, Budapesten egindako hitzaldi laburrean.
Marine Le Pen frantziarra, Santiago Abascal espainiarra, Matteo Salvini italiarra, Javier Milei Argentinako presidentea edota AEBko presidenteordea, besteak beste, Budapesten izan dira Orbani babesa emateko. Haren porrotaren ondorioz, mundu osoko eskuineko populistek erreferente garrantzitsu bat galdu dute.
Zure interesekoa izan daiteke
Ukrainak eta Errusiak hiru egunez etengo dituzte erasoak, AEBko ordezkaritzaren bisita amaitu arte
AEBko ordezkariak, Steve Witkoff eta Jared Kushner, larunbat goizean iritsi dira Moskura, AEBko hegazkin militar berezi batean. Kremlinekin harremanetan jartzea eta, aurreikuspenen arabera, Ukrainako gerrari amaiera emateko proposamen bat aurkeztea dute helburu.
Nolakoa da NBEk planteatzen duen munduko mapa berria?
Nazio Batuen Erakundearen Batzar Nagusiak erabaki du mapamundiaren egungo diseinua erabiltzeari uztea kontinenteen tamainarekiko leialagoa den beste bat erabiltzen hasteko. Mapa berrian, adibidez, Afrika handiagoa izango litzateke.
Bizirik erreskatatu dituzte Nepalgo tunel batean harrapatuta geratu ziren bi langile, eta bizirik gehiago daudela esan dute
Uholdeak gertatu eta hamar egunera, bi gizonak tunelaren sarreratik 170 metrora aurkitu dituzte, erreskate taldeek barrutik zetozen ahotsak entzun ostean. Familien ustez, "miraria" izan da.
Mileik zigorrak iragarri ditu Malvinetan lan egiten duten enpresentzat eta base militar berri bat Suaren Lurraldean
Argentinako presidenteak artxipelagoaren inguruko estrategia gogortu du, eta Donald Trumpek gai horretan AEBren orain arteko neutraltasuna berrikustea proposatu du; Erresuma Batuak, bere aldetik, berretsi du uhartedi horrekin duen konpromisoa "erabatekoa eta mugiezina" dela.
Gloria Steinem ikono feminista hil da, 92 urte zituela
Idazle eta kazetariak bularreko minbizia izan zuen 80ko hamarkadan, eta 2021ean Komunikazio eta Giza Zientzien Asturiasko Printzesa Saria irabazi zuen Espainian.
Nepal, astebete geroago: 1.250 hildako eta 4.200 lagun baino gehiago agertu barik
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.