Negu giroko asteburua, udaberri betean
Azken egunotan udaberriko giroa nagusi izan bada ere, ostiraletik aurrera negua itzuliko da gurera. Iparraldeko haizea oso zakar ibiliko da, tenperaturek nabarmen egingo dute behera, eta 800 metrotik gora elurra egin lezake.
Euskalmeten eguraldi iragarpenaren arabera, gaur aire masa hotza iritsiko da Euskal Herrira. Egunaren hasieran, hodeiak ugariak izango badira ere, oro har, ateri eutsiko dio. Goizak aurrera egin ahala, hodeitza handitu egingo da eta iluntzerako edonon egin lezake euria. Egunaren amaieran elur maila 1.100 metro inguruan kokatuko da. Tenperatura asko jaitsiko da, eta beroenak, 15 ºCtik behera geldituko dira toki gehienetan.
Larunbaterako negu giroa aurreikusi du Euskalmetek.Zerua oso hodeitsu egongo da, eta euri zaparradak izango dira, baina gauean atertzeko joera hartuko du. Gainera, trumoi-ekaitzak ere jo lezake. Elur-maila 800-1000 m inguruan kokatuko da. Iparraldeko haize oso zakar ibiliko da, batez ere, kostaldean eta mendi inguruetan. Tenperatura maximoak asko jaitsiko dira eta 10-12 ºC artean kokatuko dira kostaldean eta 7-9 ºC-ren bueltan barnealdean.
Igandean, egunaren lehen partean zerua hodeitsu edo oso hodeitsu egongo da eta noizbehinka zaparrada txikiak botako ditu. Egunaren bigarren zatian zerua estalia egongo da eta prezipitazio txiki-ertaina eta iraunkorra egingo du. Goizaldean elur-kota 700-800 m inguruan kokatuko da eta arratsaldean eta gauean 1000-1200 m-ra igoko da. Ipar- osagaiko haize ahul-bizia ibiliko da, bolada gogorren batekin kostaldean eta mendi inguruetan. Tenperaturan aldaketarik ez.
Elurrari dagokion abisu horia ezarri du Eusko Jaurlaritzak larunbaterako.
Datorren astearen hasieran, tenperaturak gora egingo du pixkanaka-pixkanaka, eta elur-maila 1.000 metro inguruan kokatuko da.
Zure interesekoa izan daiteke
121 kilometro orduko haize-boladak erregistratu dira Matxitxakon
Giro ezegonkorra eta olatu handiak, asteburuko protagonistak. Ipar Euskal Herrian alerta laranja ezarri dute euriagatik, eta abisu hori ugari daude itsasaldeko arriskuagatik, haizeagatik eta elurteengatik Pirinioetan.
Haizea eta euria, asteburuko protagonistak
Abisua larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Abisu horia ezarri dute EAEko kostaldean, bost metrorainoko olatuak altxatu eta 100 km/h-ko haize-ufadak egingo dituelako
Abisua ostegun gauetik larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Joseph ekaitzak Ingriden lekua hartu du eta 156 km/h-ko haize boladak izan dira
Abisu horian izan gara gauean eta oso bolada gogorrak eta euriteak izan dira goizaldean. Gipuzkoa da abisutik kanpo geratu den lurralde bakarra.
Albiste izango dira: Ingrid ekaitzak baretzera egin du, Sanchez eta Pradalesen arteko biharko bilera eta tentsioa gora, Minneapolisen
Gaurkoan Orain-en albiste izango direnen laburpena, bi hitzetan.
"Ingrid" ekaitzak indarra galdu du, baina 5,7 metrorainoko olatuak eta 146 km/h-ko haize-boladak utzi ditu
Ingrid ekaitzak indarra galdu du, itsaso zakarrra eta haize-bolada gogorrak utzi ostean. 06:00etan abisu eta alerta guztiak bertan behera geratu dira, baina gauean haizeak gogor jo du.
Gogotik astindu du Ingrid ekaitzak euskal kostaldea: 145 km/h-ko ufadak neurtu dira Matxitxakon (Bermeo)
Gauerdian amaituko da haizegatik alerta laranja eta abisu horia izango da astelehenean. Itsasaldeko arriskuagatik ezarritako alerta laranja, berriz, asteleheneko 06:00ak arte egongo da indarrean.
Ingrid ekaitzak euria, elurra eta haize-bolada indartsuak utzi ditu Estatuan
Lanzaroten, larrialdi zerbitzuek hiru gazte estatubatuar erreskatatu dituzte, eta laugarren baten bila ari dira uretan, itsasora erori ostean.
120 km/h-tik gorako ufadak egon daitezkeela eta, alerta laranja iganderako Bizkaiko eta Gipuzkoako haizeguneetan
Nabigaziorako itsasaldeko arriskuagatik ere alerta laranja indarrean izango da. Zarautzen ez da Sagardo Egunik izango eta Donostian parkeak itxi dituzte. Getxon, krisi mahaia bilduko da igande honetan.
Ingrid ekaitza: arreta elurragatik, haizeagatik eta olatuengatik asteburu honetan Euskal Herrian
Agintariek hainbat abisu iragarri dituzte egunotarako; nabigazio arriskua, kostaldeko inpaktua, elurteak eta haize-bolada indartsuak direla eta. Ildo horretatik, arreta handiz ibiltzeko eskatu diete herritarrei, batez ere joan-etorrietan.