Abisu horia Bizkaian eta Gipuzkoan, prezipitazio iraunkorrengatik
Abisua egun osoan izango da indarrean, 60 litro/m2 baino gehiago pila daitezkeelako. Zerua lainotuta egongo da eta euria izango da protagonista; zaparradak ugariak izango dira. Gainera, iparraldeko haizea ibiliko da, bizi-bizi zenbait momentutan.
Lekeitioko portuaren irudi bat. Argazkia: Victor Uriarte
Euskalmet Euskal Meteorologia Agentziak abisu horia ezarri du gaurko Bizkaian eta Gipuzkoan, prezipitazio iraunkorrak espero direlako, Segurtasun Sailak jakitera eman duenez.
Hain zuzen ere, egun osoan izango da indarrean abisua, isurialde atlantikoko zenbait tokitan 60 litro/m2 baino gehiago pilatzea espero baita.
Halaber, 10-30 litro/m2 pilatu daitezke mendebaldean, eta 20-40 litro/m2 ekialdean.
Ildo horretatik, zaparrada iraunkorrak eta oso ugariak espero dira. Zerua lainotuta egongo da eta euria izango da protagonista. Gainera, iparraldeko haizea ibiliko da, bizi-bizi zenbait momentutan, batez ere kostaldean eta Ebro ondoko eskualdeetan.
Eguneko tenperaturak nabarmen jaitsiko dira, baina maximoak 10º C-tik gora mantenduko dira oro har. Tenperatura minimoak ez dira ia aldatuko.
Bihar, larunbata, giro nahasi eta ezegonkorra izango da protagonista. Aurreko egunetan baino euri gutxiago egingo duen arren, zaparradak denera iritsiko dira eta edozein momentutan bustiko du.
Arratsaldean, ostarteak ireki daitezke. Tenperatura maximoak apur bat igoko dira, eta minimoak, berriz, freskoagoak izango dira.
Zure interesekoa izan daiteke
Udaberriko eguraldia aste osoan eta 25 gradutik gorako tenperatura maximoak
Tenperatura beroak nagusituko dira aste osoan zehar, baina astearen hasieran trumoi-zaparradak izan daitezke.
Goiz eguzkitsuak eta arratsalde euritsuak
Eguzkitsu esnatuko dira astelehena eta asteartea, baina arratsaldeetan euritara egingo du, udaberrian ohikoa denez, ekaitza izango baita eguerditik aurrera han-hemen. Asteazkenerako giro egonkorragoa iragarri dute, eta ostegunetik aurrera berriro eguzki eta euri kontuak izango dira.
Zer da eguzki-koroa?
Datorren abuztuaren 12an eguzkia erabat ezkutatuko da ilargiaren atzean, eta eklipse horren ondorioz, bigarren fenomeno bat ikusi ahal izango dugu Euskal Herriko hainbat txokotan: eguzki-koroa. Virginia Garcia Aranzadiko astronomoak azaldu digu zertan datzan.
Udaberriko eguraldi nahasia, astebururako
Zeru gainak hodeitsu egongo dira, batez ere Kantauri isurialdean eta ez da baztertzen iluntzean ekaitza lehertzea, batez ere barnealdean eta mendi inguruetan. Gainerakoan, ateri eutsiko dio. Tenperaturari dagokionez, maximoak 17-21 ªC-koak izango dira kostaldean, eta 20 graduko langa gaindituta, barnealdean.
Udaberriko eguraldia ate joka dago: euriak eten, eta tenperaturek gora egingo dute
Eguraldi eguzkitsu eta udaberrikoa nagusituko da, eta tenperatura maximoek 20-22 graduen langa gaindituko dute.
Giro argia eta egonkorra izango dugu asteon, astelehenean salbu
Tenperatura minimoak freskoak izango dira kostaldean, 7-9 ºC ingurukoak, eta hotz egingo du barrualdean. Maximoei dagokienez, egunek aurrera egin ahala, epelera egingo dute, 20 ºC-tik gorakoak nagusitzeko.
Udako giroa atzean utzi eta hotza eta euria itzuliko dira Hego Euskal Herrira asteburuan
30 ºC inguru izango dira gaur Euskadi barnealdeko zenbait puntutan, baina fronte hotz batek euria ekarriko du larunbatean, eta tenperatura maximoak 13-15 ºC-koak izango dira igandean. Nafarroan ere bat-bateko aldaketa izango da, prezipitazioak eta beherakada termiko handia izango baitira.
Udaberri giroko egunak aurretik, asteburura begirako aldaketaren atariko
Giro eguzkitsua eta tenperatura epel-beroak nagusituko dira Euskal Herri osoan ostiralera bitartean.
Hego haizeak 20ºC-tik gorako tenperaturak utziko ditu gaur, eta kalima ere ekar dezake
Asteleheneko sargoriaren ostean, gaur egun hodeitsuagoa izango da, baina udaberriko tenperaturarekin jarraituko dugu, atzo baino 2-3º freskoago. Gainera, baliteke Saharako hautsa (gandua) ere etortzea, eta horren ondorioz zeruak horixka ikustea.
Epel eta eguzkitsu abiatu da Pazko astea, eta ziurgabetasuna nagusituko da asteartetik aurrera
Aire hotza izango dugu altueran astearte arratsaldetik aurrera, eta depresio horren kokalekuaren arabera, eguraldia batera edo bestera aldatuko da. Gaur-gaurkoz, ateri eta epel jarraituko duela diote modeloek.