Euri-aurreko azken izpien ondoren, negu-girokoa dator asteburua
Ardiak, bazkan, Aloña aldean. Argazkia: Gurutze Azkarate.
Udaberria bazetorrela eta beroki lodiak gordetzen has gintezkela zirudienean, eguraldiak gogorazi digu negua dela oraindik, eta garaian garaikoa gertatzea, azken finean, seinale ona dela. Hala, gaur eta bihar goizean eguraldi argitsua izango bada ere, ostiral arratsaldearekin batera euri-kontuak iritsiko dira eta larunbatean negu-giroa izango da nagusi. Urte-sasoiari dagokiona, ez besterik.
Gaur, osteguna, giro eguzkitsua nagusituko de eta tenperaturak gora egingo du, eta behin goizeko behe-lainoak eta hodei multzoak deseginda, argitsu eta goxo joango da eguna. Tenperatua maximoek gora egingo dute, eta 16-18 ºC-ren bueltan joko dute goia egunaren lehen partean leun ibiliko den hego-haizeari esker, nahiz eta egunaren azken partean iparrera aldatuko duen.
Ostiralean, egunaren lehen partean tenperatura epelekin jarraituko dugu, hodei eta ostarteekin eta hego-mendebaldeko haizearekin. Horrek termometroak berriz ere 18-19 ºC-raino igotzea ekarriko du, baina arratsaldean, goitik behera aldatuko da eguraldia. Haizea ipar-mendebaldera aldatuko da eta zakar joko du. Horrekin batera tenperaturak jaisten hasiko dira eta zaparradak botako ditu, arratsaldean batez ere isurialde atlantikoan, eta gauerako, denean.
Haizeak ipar mendebaldetik joko du larunbatean ere egun osoan zehar, eta horrek negu-giroa ekarriko du, hotza, euri-ekaitzak, eta elurra ere bai, tontorretan. Tenperatura maximoek behera egingo dute lurralde osoan, barnealdean ez dira 7-9 ºC-tik pasako eta kostaldean 11-12 ºC-ra iritsiko dira ozta-ozta. Gainera, zaparradak egingo ditu, batez ere ipar partean eta ez da baztertzen ekaitzak lehertzea, txingor eta guzti, tarteka. Elur-kota 1.000 metro inguruan egongo da.
Igandean badirudi zertxobait lasaituko direla goialdeak, baina egun hodeitsu, umel eta hotza izango da. Ipar-mendebaldeko haizeak ahul joko du eta euri txikia egin dezake, bereziki Kantauri isurialdean. Tenperaturak berdintsu jarraituko du eta izotz txikia egin dezake mendi inguruetan eta Arabako zenbait tokitan.
Zure interesekoa izan daiteke
Zer da eguzki-koroa?
Datorren abuztuaren 12an eguzkia erabat ezkutatuko da ilargiaren atzean, eta eklipse horren ondorioz, bigarren fenomeno bat ikusi ahal izango dugu Euskal Herriko hainbat txokotan: eguzki-koroa. Virginia Garcia Aranzadiko astronomoak azaldu digu zertan datzan.
Udaberriko eguraldi nahasia, astebururako
Zeru gainak hodeitsu egongo dira, batez ere Kantauri isurialdean eta ez da baztertzen iluntzean ekaitza lehertzea, batez ere barnealdean eta mendi inguruetan. Gainerakoan, ateri eutsiko dio. Tenperaturari dagokionez, maximoak 17-21 ªC-koak izango dira kostaldean, eta 20 graduko langa gaindituta, barnealdean.
Udaberriko eguraldia ate joka dago: euriak eten, eta tenperaturek gora egingo dute
Eguraldi eguzkitsu eta udaberrikoa nagusituko da, eta tenperatura maximoek 20-22 graduen langa gaindituko dute.
Giro argia eta egonkorra izango dugu asteon, astelehenean salbu
Tenperatura minimoak freskoak izango dira kostaldean, 7-9 ºC ingurukoak, eta hotz egingo du barrualdean. Maximoei dagokienez, egunek aurrera egin ahala, epelera egingo dute, 20 ºC-tik gorakoak nagusitzeko.
Udako giroa atzean utzi eta hotza eta euria itzuliko dira Hego Euskal Herrira asteburuan
30 ºC inguru izango dira gaur Euskadi barnealdeko zenbait puntutan, baina fronte hotz batek euria ekarriko du larunbatean, eta tenperatura maximoak 13-15 ºC-koak izango dira igandean. Nafarroan ere bat-bateko aldaketa izango da, prezipitazioak eta beherakada termiko handia izango baitira.
Udaberri giroko egunak aurretik, asteburura begirako aldaketaren atariko
Giro eguzkitsua eta tenperatura epel-beroak nagusituko dira Euskal Herri osoan ostiralera bitartean.
Hego haizeak 20ºC-tik gorako tenperaturak utziko ditu gaur, eta kalima ere ekar dezake
Asteleheneko sargoriaren ostean, gaur egun hodeitsuagoa izango da, baina udaberriko tenperaturarekin jarraituko dugu, atzo baino 2-3º freskoago. Gainera, baliteke Saharako hautsa (gandua) ere etortzea, eta horren ondorioz zeruak horixka ikustea.
Epel eta eguzkitsu abiatu da Pazko astea, eta ziurgabetasuna nagusituko da asteartetik aurrera
Aire hotza izango dugu altueran astearte arratsaldetik aurrera, eta depresio horren kokalekuaren arabera, eguraldia batera edo bestera aldatuko da. Gaur-gaurkoz, ateri eta epel jarraituko duela diote modeloek.
Udaberriko giroa eta eguzkia nagusi izango dira Aste Santuko asteburuan
Euskalmeten eta AEMETen aurreikuspenek joera aldaketa aurreikusten dute EAEn eta Nafarroan. Aste Santuko asteburua eguzkitsua izango da, eta tenperatura altuagoak izango dira.
Albiste izango da: badator eguzkia
Orain-eko albisteen laburpena, minutu batean.