Euria bueltan da eta tenperaturek behera egingo dute
Aste hasieran izandako giro epel eta egonkorra amaituko da gaurtik aurrera. Euria eta ezegonkortasuna bueltan dira, eta Euskal Herriko ia eskualde guztietara iritsiko dira. Tenperaturek behera egingo dute.
Osteguna lehorretik eta epeletik hasiko da, eta hego haizea nagusi izango da. Eguerdi aldera haizeak iparraldera edo ipar-mendebaldera egingo du, lehendabizi kostaldean eta hodeiak ugarituko dira, Euskalmeten iragarpenaren arabera.
Arratsaldean eta gauean zerua lainotuta egongo da eta zaparradak izango dira; trumoiak ere egon litezke. Arratsaldetik tenperaturek behera egingo duten arren, maximoek berdintsu jarraituko dute eta jaitsiera batez ere kostaldean sumatuko da.
Ostiralean giro motela eta bustia izango da. Euskalmeten arabera, zaparradak edonon eta edonoiz izango dira. Ezegonkortasuna nagusi izango da, eta baliteke oraindik trumoiak izatea.
Iparraldeko haizea nagusituko da, bizi-bizi zenbait momentutan. Tenperaturek behera egingo dute. Beroenak 10 eta 15 ºC artekoak izango dira, baina minimoetan ez da aldaketa handirik espero.
Larunbatean eguraldi aldakorra eta nahasia izango da, Euskalmeten iragarpenaren arabera. Aurreko egunetan baino euri gutxiago egingo badu ere, zaparradak denera iritsiko dira eta edozein momentutan bustiko du. Arratsaldean hodei geruza saretu egingo da. Tenperatura maximoak apur bat igoko dira, baina egunsentia freskoagoa izango da.
Zure interesekoa izan daiteke
Eguraldi nahasia dakar maiatzak berekin
Datozen egunotan ezegonkortasuna izango da nagusi, eguzki-tarteak eta zaparradak nahastuko dira eta haizea aldakor ibiliko da. Tenperaturek epel jarraituko dute.
Abisu horia Araban euriteengatik, San Prudentzio bezperako Erretretan
Segurtasun Sailak 15:00etatik 21:00etara aktibatu du abisua, Gasteizko jaietako ekitaldien hasierarekin bat eginez. Euskalmetek ordubetean metro koadroko 15 litro baino gehiago bota ditzakeela aurreikusi du.
Hodeitsu bukatuko da apirila, zaparradekin tarteka eta 20 gradu inguruko tenperaturekin
Goibel itxura dakar astelehenak, baita astearteak ere. Halere, oso aldakor dator eguraldia.
Zergatik da garrantzitsua zientzialarientzat eklipseak aztertzea?
Eguzki eklipse osoak ez dira asko izaten. Abuztuaren 12koa igaro ondoren, hurrengoa 2180. urtean izango da. Hori dela eta, zientzialarientzat une hori oso garrantzitsua izan ohi da. Ateratako irudiekin hainbat ikerketa egiten dituzte urteetan zehar. Horren adibide, 1860an, Erresuma Batuko astronomo bat Euskal Herrira etorri zen, orduan izan zen eklipse bati argazkiak ateratzeko.
Udaberriko eguraldia astebururako, baina hodeiak ugaritu eta tenperaturak jaitsi egingo dira
Larunbatean, maximoak 20º ingurukoak izango dira Bilbon eta Donostian, eta 23º ingurukoak Iruñean eta Gasteizen.
Udaberriko giroa nagusi izango da astearen amaieran, baina euria egingo du, eta maximoek, behera
Ostegun honetan, maximoak 30°C ingurukoak izango dira, eta ostiralean, 23°C ingurukoak.
Eguraldi egonkorra eta tenperatura epelak, 25 gradura arteko maximoekin
Ipar partean epelenak 8-10 gradu artean jaitsiko dira, 20-23 graduraino.
Eguzki goria goizean eta trumoi-zaparrada arratsaldean, euriagatiko abisu hori eta guzti
Egunaren lehen zatian tenperatura maximoak 30 graduraino iritsiko dira, hego haizeak bultzatuta. Hala ere, arratsaldetik aurrera bero-hodeiak garatuko dira eta litekeena da, tokian-tokian, ekaitza lehertu eta zaparrada batzuk botatzea. Segurtasun Sailak euriagatiko abisu horia ezarriko du 18:00etan, zaparrada mardulengatik, ordubetean 15 litrotik gora pilatuko direla aurreikusi baita.
Udaberriko eguraldia aste osoan eta 25 gradutik gorako tenperatura maximoak
Tenperatura beroak nagusituko dira aste osoan zehar, baina astearen hasieran trumoi-zaparradak izan daitezke.
Goiz eguzkitsuak eta arratsalde euritsuak
Eguzkitsu esnatuko dira astelehena eta asteartea, baina arratsaldeetan euritara egingo du, udaberrian ohikoa denez, ekaitza izango baita eguerditik aurrera han-hemen. Asteazkenerako giro egonkorragoa iragarri dute, eta ostegunetik aurrera berriro eguzki eta euri kontuak izango dira.