Ostarteak eta euria, astearen hasieran
Arratsaldetik aurrera hodeiak ugarituko dira eta euria egingo du. Asteartean, orduek aurrera egin ahala, hodeiak gutxitu eta ostarteak irekiko dira, eta arratsaldean zaparradak botatzeko arriskua txikiagoa izango da.
Eguraldi kontuetan denetarik izango da aste honetan: hodeiak, ostarteak eta euria.
Gaur goizean hodeiak eta ostarteak tartekatuko dira, eta behe hodeiak sortu dira Arabako eta Nafarroako zenbait tokitan. Hego-ekialdeko haizeak tenperatura maximoak igoaraziko ditu, eta 15-17 graduren bueltakoak izango dira ipar isurialdean eta 15etik behera, berriz, barnealdean. Arratsaldean haizeak mendebal/ipar-mendebaldera egingo du eta hodeiak ugaritu egingo dira. Arratsaldean mendebaldetik fronte bat sartuko da eta pixkanaka-pixkanaka euria denera zabalduko da.
Asteartean hodeitza aldakorra izango da eta bustitzeko probabilitatea txikia izango da. Goizaldean eta goizean goiz hodei dezente izango dira eta zaparrada batzuk egingo ditu, batez ere barnealdeko zenbait tokitan. Orduek aurrera egin ahala hodeiak gutxitu egingo dira eta ostarteak zabalduko dira. Arratsaldean zaparradak egiteko probabilitatea txikiagoa izango da. Tenperatura maximoak zertxobait jaitsiko dira, eta haizea mendebaletik iparraldera aldatuko da eguerdian.
Asteazkenean fronte bat igaroko da eta euri pixka bat egingo du. Orduek aurrera egin ahala hodeiak ugarituz joango dira, eta arratsaldean, bereziki, zerua estalita egongo da eta euria egingo du. Hego-mendebaldeko haizea ibiliko da egunaren hasieran, baina eguerdi aldera ipar-mendebaldera egingo du. Halaber, tenperatura maximoak apur bat igoko dira.
Ostegun eta ostiraletan udaberriko giroa nagusituko da. Antizikloi bat sartu eta eguraldia egonkortu egingo da. Zerua oskarbi geratuko da eta tenperatura maximoak 17-20 graduren bueltakoak izango dira.
Asteburuan atzera hotza eta euria egingo du.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Asteazkenean bero-sapa itzuliko da
Astelehen eta asteartea tenperatura freskoagoekin helduko dira asteon, eta asteazkenetik aurrera termometroak gora egingo du: 30ºC-tik gorakoak izango dira barnealdean.
40 lagun artatu dituzte beroagatik EAEn, larriena Galipa Mendi Birako parte-hartzaile bat
Bigarren egunez jarraian, 30 graduak gainditu dira EAE osoan. Astelehenetik aurrera beroa pixka bat arinduko da, eta tenperatura maximoek behera egingo dute, oro har, nahiz eta udako giroak jarraituko duen.
Nola eragiten die eguzki-eklipse batek animaliei?
Planetako animalia gehienak eguzki-argiaren arabera jokatzen dute. Beraz, eklipse batek asko eragiten die, baina ez denei modu berean. Batzuek eklipseari begira gelditzen dira, besterik gabe. Beste batzuek, ordea, argi faltara egokitzen dituzte beren jarduerak.
Uda ate joka dela ondo igarriko da asteburuan, eguzkia, beroa eta abisu horia baitakartza berekin
Zeru urdinak eta tenperatura beroak nagusi izango dira Euskal Herri osoan gaurtik gutxienez igandera arte. Gaur, hegoaldean batez ere, berotzen hasiko da, eta larunbatean eta igandean, aise gaindituko dira 30 ºC-ko tenperaturak lurralde guztietan. Kostaldean, abisu horia egongo da indarrean tenperatura altuak espero direlako.
Giro oso estalia eta freskoa asteko lehen egunetan
Gutxienez ostegun arratsaldera arte ez da eguzki konturik izango gurean. 20 graduz azpiko tenperaturak izango ditugu ordura arte, eta gutxi bada ere, busti egingo du, batez ere goizetan euri zirina egingo baitu.
Nola bizi zituzten eklipseak gure arbasoek?
Munduko kultura askotan eguzkia gurtu izan da ia jainko bat bezala. Naturalena gauez ezkutatu eta goizean itzultzea zen. Horregatik, egunez eklipse bat ikustea beldurgarria izan da urte askotan munduko ia kultura guztientzat.
Hodeiak nagusi asteburuan
Ekaineko lehen asteburu honetan, fronte berri bat izango dugu, eta hodeitza nagusi izango da larunbatean; igandean, berriz, tenperaturak nabarmen egingo du gora.
Lainoak, eguzkia joan-etorrika eta euri zirina
Eguraldia aldakor ibiliko da datozen egunetan. Orokorrean, ez du asko bustiko, baina euritarako joera egongo da hainbat egunetan. Eguzkia ere azalduko da tarteka, eta tenperaturak gorabeheratsu ibiliko dira, egunaren arabera.
Eguzki eklipse osoaren hiru fenomenoak ikusgai, errealitate areagotuari esker
Bailyko perlak, diamante eraztuna eta eguzki koroa ikusgarria abuztuaren 12ko 20:27tik aurrera ikusi ahal izango dira. Eguraldiko lantaldeak fenomeno horiek erakutsi dizkigu gertakari astronomiko garrantzitsu horri buruzko erreportajeen hirugarren atalean.
Amaitu da beroaldia, Arabako eta Nafarroako hainbat tokitan salbu
Tenperatura maximoak 10 gradu inguru jaitsiko dira kostaldean, eta altuenak 25 gradutik behera kokatuko dira. Barnealdean, oro har, 25 eta 30 gradu artean ibiliko dira altuenak, baina Arabako Errioxan eta Nafarroako Erriberan 35 gradutik gorakoak izan litezke.