Hodeiak nagusi asteburuan
Ekaineko lehen asteburu honetan, fronte berri bat izango dugu, eta hodeitza nagusi izango da larunbatean; igandean, berriz, tenperaturak nabarmen egingo du gora.
Hodeiak Bilbon. Argazkia: Txaro Ortiz de Zarate
Ekainaren lehen asteburuan, hodeiak izango dira nagusi gurean: larunbatean, fronte berri bat iritsiko da, eta igandean, berriz, tenperaturak gora egingo du eta ostarteak irekiko dira.
Ostiralean, hodeitza aldakorra izango dugu. Goizean, zerua lainotuta egongo da, bereziki ipar partean, eta euria egingo du bertan, bereziki kostaldean eta ekialdean. Arratsaldean, hodeitza ez da horren trinkoa izango, eta guztiz jasoko ez duen arren, ostarteak agertuko dira. Haizea mendebaldetik sartuko da hasieran, eta iparraldera edo ipar-ekialdera egingo du arratsaldean. Tenperatura maximoak ostegunekoak baino 2-4 ºC altuagoak izango dira, eta barnealdean izango da gorakada handiena.
Larunbatean, beste fronte bat sartuko da eta giro motela izango dugu ipar partean. Isurialde atlantikoan, hodeiak trinkoagoak izango dira, euri apur bat egingo du goizetik aurrera, eta atertzeko joera hartuko du egunaren amaieran. Hegoaldean, berriz, giroa argi samarra izango da. Haizea iparretik eta ipar-mendebaldetik sartuko da, eta arratsaldean, apur bat harrotuko da barnealdean. Eguneko tenperaturak behera egingo du, baina gauean gora egingo du.
Igandean, tenperaturak nabarmen egingo du gora, batez ere hegoaldean. Kostaldean, maximoak 25 ºC-tik behera geratuko dira, baina 30 ºC-ra gerturako dira hegoaldean. Hodeitza aldakorra izango da, erdi-mailako hodeiak eta goi-hodeiak tartekatuko dira, baina giroa argi samarra izango da. Egunaren amaieran, behe-hodeiak ugarituko dira isurialde atlantikoan. Arratsaldean, ezegonkortasuna apur bat areagotuko da, eta baliteke han-hemenka zaparrada bakan batzuk egitea, bereziki Nafarroa ipar partean eta Ipar Euskal Herrian. Ekialdeko haizea ibiliko da hasieran, eta iparraldera egingo du egunaren bigarren zatian.
Zure interesekoa izan daiteke
Abisu horia ezarri dute asteazkenerako EAEn eta Nafarroan, tenperatura altuengatik
Iragarpenaren arabera, astean zehar beroa izango da nagusi eta zerua oskarbi izango da.
Abisu horia Ebro ibarrean eta Nafarroa ia osoan, 35 eta 38 gradu arteko maximoak izango baitira
Eguzkia nagusituko da eta eguraldia egonkorra izango da egunotan. Asteak aurrera egin ahala, tenperaturek gora egingo dute, progresiboki.
Igande honetatik aurrera, giro eguzkitsuagoa Euskal Herrian
Tenperaturek atsedenaldi bat eman dute azken egunotan, baina igande honetan apur bat igoko dira eta eguzkiak distira egingo du berriro.
Tenperatura arinagoak asteburu honetan Euskal Herrian
Tenperatura baxuenak ostiral eta larunbat honetan erregistratuko dira Gasteizen, eta 16 ºC-ra jaitsiko dira. Balio altuenak, aldiz, Laguardian eta Iruñean izango dira, eta 32 ºC-ra helduko dira igandean.
Prest abuztuaren 12ko eklipserako? Hemen, hainbat jakingarri
Europako Espazio Agentziako astrofisikoek abuztuaren 12ko eguzki-eklipse osoa segurtasunez ikusteko gomendioak eman dituzte. Betaurreko homologatuak erabiltzea (eguzkitakoak ez), eklipse osoa denean soilik kentzea, eta mugikorrarekin grabatuz gero, filtroak ipintzea, besteak beste.
Asteartean eta asteazkenean hainbat abisu meteorologiko izango dira Euskal Herriko zati handi batean
Asteartea izango da egunik beroena, eta Ipar Euskal Herria eta Nafarroako erdialdea abisu laranjapean egongo dira. EAEn abisu horia izango da denean, itsasertzean izan ezik.
Hasi da eguraldia aldatzen: tenperatura 10 gradu jaitsi da bat-batean
Hodeitzarekin batera, haizea etorri da, eta horrelako irudiak utzi ditu azken orduotan. Tenperatura 10 gradu jaitsi da hainbat tokitan, eta hondartza batzuk bat-batean hustu dira.
Gau sargoria, 25 ºC-tik gorako tenperaturekin
Arratsaldetik aurrera tenperatura nabarmen jaitsiko da mendebal/ipar-mendebaldeko haize indartsuari esker. Zaparrada trumoitsuak ere espero dira, mendebaldean batez ere.
Tenperatura jaitsiera asteari ekiteko
Dena dela, beroa, izan, izango da: maximoak 30 ºC-tik hurbil egongo dira kostaldean, eta balio altuagoak barnealdean; minimoak, berriz, 19 ºC inguruan geratuko dira.
Tenperatura atseginak asteburua baino lehen; larunbatetik aurrera, berriz ere 40 graduren bueltan
Kostaldean, maximoak 30 gradutik behera mantenduko dira bihar arte, baina larunbatean nabarmen igoko dira.