Tokiko informazio zehatzari arreta jarrita ekin dio udazkenari "Eguraldia" saioak
Euskal Telebistako "Eguraldia" saioak indartuta ekin dio denboraldi berriari, zerbitzua oinarri duen saioa eskaini nahian lanean jarraitzeko asmo sendoarekin. Hala, Andoni Aizpuruk euskarazko "Eguraldia" saioaren gidaritzan jarraituko du, astelehenetik ostiralera; Ana Urrutia gaztelaniazko iragarpena eskaintzen izango dugu udazken honetan ere, astelehenetik ostiralera; eta asteburuan Igor Siguero izango da saioren aurkezlea. June Ansoleagak eta Libe Gaztelurrutia eta Gorka Ormaetxea meteorologoek osatzen dute lantaldea, guztiak ere Zuriñe Zulaikaren gidaritzapean.
Uda lehor eta beroa izan dugu, meteorologia maila ezusteko handirik gabe; udazkena, baina, euri, haize eta olatu pasarte gogorrekin abiatu dugu. Klima aldaketaren ondorioz, gero eta muturreko fenomeno gehiago bizi ditugu, eta borraska sakonak ere ari zaizkigu sartzen, saioko kideek azaldu dutenez. Beraz, "Eguraldia" saioko lantaldea indartuta dator, are xehetasun gehiago eskainiko dituen aurreikuspena ekartzeko asmoz. "Kontrastez betetako lurralde honetan, tokiko xehetasunei arreta berezia jarriko diegu", azpimarratu dute. Horri lotuta, zerbitzua eskaintzea oinarri duen eta herritarren bizimodua errazten laguntzeko asmoa duen saioa bilatuko dute, klima mailan zonalde ezberdinetan kokatutako udalerrien zehaztasunean arreta berezia jarrita.
Hemendik gutxira egingo dugun ordutegi aldaketari lotuta, gogoratu dute urteko egunik laburrenetara eta neguko solstiziora joko dugula, eta elur-maila, prezipitazio metatuak eta tenperatura hotzenak zehaztasunez emateko unea dela.
Horretarako, denboraldi honetan ere, aurreikuspen zehatza eskaintzen jarraitzea dute helburu, profesionaltasunez, gertutako mezua oinarri hartuta eta publiko guztiengana heltzeko.
Urteko liderrak orain arte eta 5.000 argazkitik gora itxialdian
Urte honetan audientzian liderra da "Eguraldia" orain arte, eta saioko lantaldeak ikus-entzuleek erakutsitako fideltasuna eskertu nahi izan du, bereziki pandemia eta itxialdi garaian. "Egunero etxeetatik kanpo izango genuen eguraldiaren berri ematen genuen, eta egoera zail horretan modu positiboan jendearen alboan egoten saiatzen ginen", gogoratu dute. Ikus-entzuleek babes osoa eskainiz erantzun zuten, eta leihoetatik eta balkoietatik ateratako 5.000 argazkitik gora jaso zituzten saioan.
Zure interesekoa izan daiteke
137 km/h-ko ufadak neurtu dituzte Matxitxakon eta 4,8 metroko olatuak Pasaian
'Pedro' ekaitzak gogor jo du Euskal Herria, bolada gogorrak dabiltza haizeguneetan. Mendebaldeko haizea gogor jotzen ari da kostaldean eta ufada zakarrak neurtu dituzte.
Haizeagatik ezarritako abisu horia bihar arratsaldera arte egongo da indarrean
'Pedro' ekaitzak lehen arrastoak utzi ditu Euskal Herrian, eta haizeguneetan bolada oso gogorrak izan dira. Abisu horiak aktibatu dira haizeagatik eta itsasaldeko arriskuagatik.
Euskadik abisu horia aktibatuko du berriro: euriak baretzera egingo du, baina haizea dator
Asteazken honetan 100 km/h-tik gorako haize-boladak eta 4 metroko olatuak izango dira.
Noiz atertuko du?
Litekeena da arratsaldean euririk ez egitea, baina bihar beste ekaitz bat sartuko da. Baliteke Pedro izena hartzea, EITBko Eguraldiko gure lankideek jakinarazi dutenez.
Astearte goizera arte egongo da indarrean Bizkaian eta Gipuzkoan euriagatik ezarritako abisu horia
Etengabe egingo du euria, asko gainera, eta batez ere Kantauri isurialdean.
Euri-jasengatik abisu horia ezarriko dute berriro gauerditik aurrera Bizkaian, Gipuzkoan, Nafarroa iparraldean eta Ipar Euskal Herrian
Euskalmeten iragarpenaren arabera, metro koadroko 60 litrotik gora pilatuko dira 24 orduan. Nafarroan, metro koadroko 40 litro metatuko dira 12 orduan.
Larrialdi aurreko egoera ezarri dute Arga eta Elortz ibaietan, Iruñean, horien emaria dela eta
Nafarroa abisu horian dago gaur, larunbata, haizeteengatik, euriteengatik, elurteengatik eta luiziengatik. Ebroren ezkerraldeko ibaien emaria nabarmen haztea espero dute.
115 km/h-tik gorako ufadak neurtu dituzte Galean eta Urkiolan, eta metro koadroko 70 litrotik gora bildu dituzte Eskasen
15:00etan utzi dituzte bertan behera euriagatik eta haizeagatik EAEn ezarritako abisu horiak. Barnealdean eta Nafarroako Pirinioetan, abisupean jarraituko dute gauerdira arte, elurragatik. Itsas arriskuagatik ezarritako abisu horia ere egun osoan egongo da indarrean. Ipar Euskal Herria ere abisupean dago uholde arriskuagatik.
Euria, elurra, 100 km/h-tik gorako haize ufadak eta 4 metrorainoko olatuak utziko ditu Orianak larunbatean
Segurtasun Sailak abisu horiak ezarriko ditu prezipitazio eta haizeagatik larunbateko 12:00ak arte eta elurragatik 21:00ak arte. Itsas arriskuagatik ezarritako abisu horia ere larunbat osoan egongo da indarrean.
Uholde arriskuari aurre egiteko planaren larrialdi aurreko fasea ezarri dute Nafarroan
Zehazki, 15:00etan aktibatu dute larrialdi aurreko fase hau, prezipitazio handiak espero direlako Nafarroa iparraldean. Hori dela eta, jarraipen berezia egingo diote eguraldiari.