Iritsi da euria azkenean Euskadira
Astea eguzkiarekin eta tenperatura epelekin abiatu dugun arren, gaurkoak aldaketa dakar, eta, fronte bati esker, euritara joko du azkenean Euskadin, EITB Mediako Meteorologia zerbitzuaren iragarpenaren arabera.
Gauzak horrela, astearte arratsaldean, tenperaturak jaitsi egingo dira (18 ºC-ko maximoak izango ditugu) eta zeruak estalita egongo dira. Gainera, zaparradak izango ditugu EAE osoan, mardulagoak kostaldean eta arinagoak Arabako barnealdean. Nafarroako barnealdean, zoritxarrez, ez da euririk espero, eta lehor jarraituko du.
Asteazkenetik aurrera, giro nahasia eta euria izaten jarraituko dugu, asteburura arte gutxienez, eta tenperatura maximoak 15-16 ºC-ren bueltan ibiliko dira.
Une oro, eguraldiari buruzko informazio gaurkotua kontsulta dezakezu eitb.eus-en, eta zure argazkiak bidali.
Albiste gehiago eguraldia
Gau tropikala pasa dute Bilbon
Euskalmeten arabera, datorren gaua aurrekoaren antzekoa izango da balio termikoei dagokienez.
Albiste izango dira: Abisu horia beroagatik, Alzorrizen dimisioa eta munduko 50 jatetxe onenak
Gaurkoan albiste izango direnen laburpena, bi hitzetan.
Segurtasun Sailak abisu horia ezarri du beroagatik ostiralera arte
Gaur, tenperatura maximoak 35 gradu ingurukoak izango dira Araba hegoaldean, Ebroko ardatzean. Kostaldean, berriz, maximoak freskoagoak izango dira eta 27 gradu inguru izango ditugu. Bizkaian eta Gipuzkoan, aldiz, 33 gradura iritsi daitezke. Ostegunean eta ostiralean egoera horrek bere horretan jarraituko du: maximoak 28 gradukoak izango dira kostaldean, 33 gradukoak Bizkaiko eta Gipuzkoako barnealdean eta Arabako erdialdean, eta 35 gradukoak Ebroko ardatzean.
Andoni Aizpuru: ''Zaparrada oso gogorrak sarriago izango ditugula nabarmena da''
Andoni Aizpiruk azpimarratu duenez, "ekainean eta maiatzean bost ekaitz gogor izan ditugu Euskal Herrian". "Hemen ekaitza botatzea normala da udaberrian, baina bost izatea hilabete eta erdian ez da hain ohikoa", gaineratu du.
"Azken egunotako bero handiaren eta atmosferako goi geruzetako aire hotzaren arteko kontrasteak ekaitzak sortu ditu"
Ostiraleko ekaitz bortitzen arrazoi meteorologikoak izan ditu mintzagai Xabier Casado Eguraldia saioaren aurkezleak. Ohartarazi duenez, 16:00etatik aurrera abisu horia izango da indarrean Nafarroan eta Ipar Euskal Herrian txingorragatik eta euriagatik.
Arratsaldetik aurrera, zaparrada trumoitsuak egongo dira berriro Gipuzkoa ekialdean
Euri-jasa handiak izan daitezke leku batzuetan, eta txingorra ere bota dezake. Nafarroan, alerta horiari eutsi dio Aemetek, ekaitz gogorrak izango baitira.
Ekaitz gogorrek uholdeak eragin dituzte Gipuzkoan, Goierrin eta Tolosaldean
Larrialdi zerbitzuek 248 dei jaso dituzte ostiral gau eta larunbat goizaldeko ekaitz bortitzen ondorioz. Tren bat geldiarazi eta ebakuatu dute goizaldean Tolosan eta oraindik ere lanean ari dira Tolosaldeko hainbat errepidetan.
Eguzkiak prezipitazioei bide emango die asteburuan
Aste bukaera eguzkitsu eta bero hasiko da, baina aurrera doan heinean, giroa freskatu eta prezipitazioak egongo dira.
Ekaitzak Arabako hego-mendebaldetik sartzen hasi dira
Trumoi-zaparradak bota ditzake, zenbait lekutan handiak izan daitezke eta txingorra egin dezake. Nafarroako hegoaldeko muturrean ere zaparradak eta trumoi-ekaitzak izango dira, Espainiako Meteorologia Agentziak iragarri duenez.
Uda giroa eta beroa, maiatzeko azken egunetan
Mendebaldeko eta barneko ibarretan aise gainditu dira 30 graduak ostegun honetan. Kostaldean, ostera, brisak termometroei eutsi die.