Termometroak 38,1 gradura iritsi dira barnealdeko zenbait txokotan, bero-boladaren azken egunean
Hala ere, eguraldi-iragarpenen arabera, gaur bukatuko dira muturreko tenperaturak. Arratsalde-gauean bero-hodeiak sor daitezke eta trumoi-zaparrada bota ditzake, batez ere hegoaldean.
Agurainen (Araba) izan da tenperatura altuena gaur Euskal Autonomia Erkidegoan (38,1), eta Eturan eta Moredan (biak Araban) 37 gradutik gorakoak izan dira, Bergarako (Gipuzkoa) San Prudentzio estazioan bezala.
Kantauri aldeko barnealdea, hau da, Bizkaiko eta Gipuzkoako barnealdea, alerta laranjan egon da agur tenperatura altuengatik, eta gainerako eskualdeetan abisu horian, baina kostaldean beroa ez da hain handia izan eta 30 gradutik behera geratu da.
Euskalmetek 17:00ak arte bildutako informazioaren arabera, Araban 30 gradutik gora egon dira estazio meteorologiko guztiak, Herrerakoa izan ezik, 29,1 graduko tenperatura maximoarekin.
Balio altuenak Agurainen (38,1), Eturan (37,5) eta Moredan (37,2) izan dira, baina beste askok (Espejo, Abetxuko, Alegria eta Kanpezu) 36 gradu baino gehiago izan dituzte.
Bizkaian eguna ez da hain beroa izan. Igorren izan da maximoa (34,8), eta Elorrion eta Otxandion 34 gainditu dira. Kostaldean tenperatura samurragoa izan da eta, adibidez, Bilboko Portuan 22,6koa izan da maximoa, eta Larrañazubin, Getxon, 26,3koa.
Gipuzkoan San Prudentzioko estazio meteorologikoak lurraldeko maximoa erregistratu du 37,3 gradurekin, ondoren Urkulu (36,9), Arrasate (36,8) eta Oñati (36,6).
Kostaldean ere beroa egin du, baina gutxiago: 28,5eko maximoa Higer lurmuturrean (Hondarribia) eta samurragoa Inurritzan (Zarautz), 24,4ra iritsi baitira.
Minimoei dagokienez, EAEko txikiena Arabako Pagoetako (12,2) eta Aguraingo (13) estazioetan izan dira.
Segurtasun Sailak alerta laranjara igo du Bizkaiko eta Gipuzkoako barnealdean tenperatura maximoengatik ezarritako abisua.
Bero bereziki itogarria izan da gauean Euskal Herriko hainbat txokotan, milaka pertsonak ezin izan baitute lo egin "gau tropikala" delakoaren ondorioz. 20 gradutik gorako minimoak izan dira hainbat lekutan: Donostian (20/29 ºC), Bilbon (21/30 ºC) eta Iruñean (21/36 ºC), esaterako.
Arratsalde-gauean bero-hodeiak sor daitezke eta trumoi-zaparrada bota ditzake, batez ere hegoaldean. Gainera, egunaren bigarren partean iparraldeko haizea ibiliko da.
Udako lehen beroaldiak muturreko balioak utzi ditu leku askotan, eta litekeena da ekaina inoiz izan den beroena izatea. Hala ere, aurreikuspenak betetzen badira, gaur bukatuko da bero itogarria.
Asteazkenean, tenperaturak orokorrean behera egingo du, eta maximoak 30 ºC-tik behera izango dira, Ebroko haranean izan ezik. Minimoak ere zertxobait jaitsiko dira, baina leunak izaten jarraituko dute.
Zerua estalita egongo da kostaldean, hodei baxuekin, eta barnealdean bero-hodeiak nagusituko dira. Arratsaldetik aurrera trumoi-zaparradak bota ditzake, batez ere barnealdean. Haizeak iparraldetik joko du, bai barnealdean, bai kostaldean, eta egunaren amaieran zakartu egingo da.
Eguraldiari buruzko albiste gehiago
Hodeiak gaur eta bihar, euria igandetik aurrera
Ostiralean eta larunbatean hodeiak izango dira, baina ez du euri askorik egingo; igandean, berriz, prezipitazio txikia egongo da isurialde atlantikoan, eta tenperaturak behera egingo du. Astelehenean, ezegonkortasunak jarraituko du, zerua hodeitsu egongo baita eta balioak aurreko egunetako oso antzekoak izango baitira.
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.