Abisu horia tenperatura altuengatik Euskadi osoan, kostaldean izan ezik, eta Nafarroako hainbat zonaldetan
Abisuak Bizkaiko, Gipuzkoako eta Arabako barnealdeari eragingo dio, baita erdialdeari, Pirinioei eta Nafarroako Ebroko Erriberari ere, eta maximoak 36 gradu artekoak izango dira Ebroren ardatzean. Ostiralean, bero gehiago espero da, eta 41 gradu artekoak izango dira Iruñean eta 40ra artekoak Bilbon.
Segurtasun Sailak abisu horia ezarri du gaurko Bizkaiko, Gipuzkoako eta Arabako barnealdean tenperatura oso altuak espero direlako. Nafarroan, Estatuko Meteorologia Agentziak abisu horia mantenduko du erdialdean, Pirinioetan eta Ebroko Erriberan, muturreko tenperaturak espero baitira bertan.
Abisua indarrean egongo da egun osoan, tenperatura altu iraunkorrengatik: 32 graduraino Bizkaiko eta Gipuzkoako barnealdean, 35 graduraino Araban eta 36 graduraino Ebroren ardatzean. Gainera, ordu bata eta zazpiak bitartean, Araba abisupean egongo da tenperatura oso altuengatik.
Ostegun honetan, giro eguzkitsuagoa izango dugu: behe-hodeiak eta behe-lainoa izango dira kantauri isurialdean, eta eguerdi aldera desegingo dira. Hegoaldean, eguzkia protagonista izango da lehen ordutik, eta maximoak 35-36ra irits daitezke.
Euskalmeten aurreikuspenen arabera, tenperatura maximoak 31 gradukoak izango dira gaur Bilbon, 39koak Iruñean, 27 Donostian eta 35 Gasteizen.
Ostiralean beroak gora egingo du, eta bero itogarria izango dugu. Hego-ekialdeko haizeen ondorioz, barnealdeko leku askotan termometroak 37-40 gradu ingurukoak izango dira, eta kostaldean, berriz, 35 ingurukoak. Bilbon 40 artekoak izango dira, Iruñean 41 gradukoak, Donostian 37 gradukoak eta Gasteizen 39 gradukoak.
Eguraldiari buruzko albiste gehiago
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.