Fronte batek errotik aldatuko du eguraldia arratsaldean
Euskalmet Euskal Meteorologia Agentziaren iragarpenaren arabera, larunbat honetan fronte bat iritsiko da arratsaldean Euskal Herrira, eta, ondorioz, lainotzera egin eta euritara joko du, ipar partean bereziki. Ordura arte, ordea, giroa eguzkitsua izango da, goi-hodei gutxi batzuekin, eta giroa epela.
Tenperatura maximoak aurreko egunekoak baino apur bat gehiago igoko dira, baina arratsaldean, frontea igarotzearekin batera, haizea ipar-mendebaldera aldatu eta indartu egingo da, giroa nabarmen freskatuz..
Igandean giroa nabarmen hoztuko da,. Iparraldeko haizea bizi samar ibiliko da, eta maximoak, oro har, 20 gradutik behera geratuko dira. Euria egingo du noizbehinka, batez ere egunaren lehen zatian eta ipar isurialdean, non tarteka zaparrada mardulagoak egin ditzakeen. Arratsaldean ostarteak zabalduko dira, bereziki hegoaldean.
Astelehenean, ostera ere, giro eguzkitsua gailenduko da denean, eta tenperatura maximoak nabarmen igoko dira. Minimoak, aldiz, jaitsi egingo dira, eta egunsentia freskoagoa izango da. Goizean goiz behe-lainoa sortuko da hainbat lekutan, baina, jaso ostean, zerua oskarbi geratuko da. Ekialdeko haizea ahul ibiliko da egun osoan.
Albiste gehiago eguraldia
Hodeiak gaur eta bihar, euria igandetik aurrera
Ostiralean eta larunbatean hodeiak izango dira, baina ez du euri askorik egingo; igandean, berriz, prezipitazio txikia egongo da isurialde atlantikoan, eta tenperaturak behera egingo du. Astelehenean, ezegonkortasunak jarraituko du, zerua hodeitsu egongo baita eta balioak aurreko egunetako oso antzekoak izango baitira.
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.