Urteko lehen larunbata bustia izango da eta igandea, berriz, hotza, abisu hori eta guzti
Elurragatik abisu horia indarrean egongo da larunbateko 18:00etatik igandeko 06:00etara, nahiz eta ez duen asko botako. Larunbatean bustitik abiatuko da eta arratsaldean aire masa hotz bat sartuko da, tenperaturak asko jaitsiz. Igandean ez da euririk espero baina hotz egingo du.
Eusko Jaurlaritzako Segurtasun Sailak abisu horia ezarriko du larunbat honetan Euskadiko barnealdean, 18:00etatik 24:00etara, elurra maila baxuetan egin dezakeela-eta. Halaber, Meteo-France Meteorologia Zerbitzuak abisu horia ezarriko du Ipar Euskal Herrian, eta arreta berezia jarri beharko da elurrak eta izotzak eragindako fenomeno meteorologikoei aurre egiteko.
Elur-kota 1.000 metrotik jaisten joango da egunak aurrera egin ahala, eta gauean 700 metro inguruan kokatu liteke; are gehiago ekialdean.
Igandean giroa oso hotza izango da, eta abisu horiak jarraitu egingo du 06:00ak arte, elur-kota 500-600 metrora jaitsi bailiteke. Igandeko lehen ordu horietan ere ez da prezipitazio askorik espero, dena den; 3 zentrimetro pilatuko dira 1.000 metrora, eta zentrimetro bat 600 metrora.
Larunbatean giro umela nagusituko da. Euria egingo du egun osoan zehar, goizean batez ere iparraldean, eta arratsaldetik aurrera, hegoaldean. Haizeak ipar-ekialdetik joko du eta orduek aurrera egin ahala asko hoztuko du. Ez du hala ere asko botako, prezipitazio arinak espero dira, Araban bereziki, elur-geruza 1-5 zentimetro artekoa izango da 1.000 metrora eta zentimetro batekoa 600 metrora.
Maila baxuagoetan euria egin dezake igandean, batez ere hegoaldean eta Bizkaia mendebaldean. Izotza botako du barnealde osoan, eta kostaldeko leku batzuetan ere tenperatura 0 ºC ingurura jaits daiteke; maximoak, berriz, 3-6 ºC artean geratuko dira. Gainera, ipar-ekialdeko haizeak hotz sentsazioa areagotuko du.
Zure interesekoa izan daiteke
137 km/h-ko ufadak neurtu dituzte Matxitxakon eta 4,8 metroko olatuak Pasaian
'Pedro' ekaitzak gogor jo du Euskal Herria, bolada gogorrak dabiltza haizeguneetan. Mendebaldeko haizea gogor jotzen ari da kostaldean eta ufada zakarrak neurtu dituzte.
Haizeagatik ezarritako abisu horia bihar arratsaldera arte egongo da indarrean
'Pedro' ekaitzak lehen arrastoak utzi ditu Euskal Herrian, eta haizeguneetan bolada oso gogorrak izan dira. Abisu horiak aktibatu dira haizeagatik eta itsasaldeko arriskuagatik.
Euskadik abisu horia aktibatuko du berriro: euriak baretzera egingo du, baina haizea dator
Asteazken honetan 100 km/h-tik gorako haize-boladak eta 4 metroko olatuak izango dira.
Noiz atertuko du?
Litekeena da arratsaldean euririk ez egitea, baina bihar beste ekaitz bat sartuko da. Baliteke Pedro izena hartzea, EITBko Eguraldiko gure lankideek jakinarazi dutenez.
Astearte goizera arte egongo da indarrean Bizkaian eta Gipuzkoan euriagatik ezarritako abisu horia
Etengabe egingo du euria, asko gainera, eta batez ere Kantauri isurialdean.
Euri-jasengatik abisu horia ezarriko dute berriro gauerditik aurrera Bizkaian, Gipuzkoan, Nafarroa iparraldean eta Ipar Euskal Herrian
Euskalmeten iragarpenaren arabera, metro koadroko 60 litrotik gora pilatuko dira 24 orduan. Nafarroan, metro koadroko 40 litro metatuko dira 12 orduan.
Larrialdi aurreko egoera ezarri dute Arga eta Elortz ibaietan, Iruñean, horien emaria dela eta
Nafarroa abisu horian dago gaur, larunbata, haizeteengatik, euriteengatik, elurteengatik eta luiziengatik. Ebroren ezkerraldeko ibaien emaria nabarmen haztea espero dute.
115 km/h-tik gorako ufadak neurtu dituzte Galean eta Urkiolan, eta metro koadroko 70 litrotik gora bildu dituzte Eskasen
15:00etan utzi dituzte bertan behera euriagatik eta haizeagatik EAEn ezarritako abisu horiak. Barnealdean eta Nafarroako Pirinioetan, abisupean jarraituko dute gauerdira arte, elurragatik. Itsas arriskuagatik ezarritako abisu horia ere egun osoan egongo da indarrean. Ipar Euskal Herria ere abisupean dago uholde arriskuagatik.
Euria, elurra, 100 km/h-tik gorako haize ufadak eta 4 metrorainoko olatuak utziko ditu Orianak larunbatean
Segurtasun Sailak abisu horiak ezarriko ditu prezipitazio eta haizeagatik larunbateko 12:00ak arte eta elurragatik 21:00ak arte. Itsas arriskuagatik ezarritako abisu horia ere larunbat osoan egongo da indarrean.
Uholde arriskuari aurre egiteko planaren larrialdi aurreko fasea ezarri dute Nafarroan
Zehazki, 15:00etan aktibatu dute larrialdi aurreko fase hau, prezipitazio handiak espero direlako Nafarroa iparraldean. Hori dela eta, jarraipen berezia egingo diote eguraldiari.