Tenperaturak gora egingo du, baina euriak jarraituko du
Datozen egunetan tenperatura epelak izango dira otsail parterako, baina prezipitazioek bere horretan jarraituko dute eta haize zakarrak joko du astean zehar.
Hainbat lagun, itsasoari begira, Sopelan. Argazkia: EFE
Euria egingo du tarteka, mardul gainera, baina tenperaturak epelak izango dira otsaila izateko. Horixe izango da joera datozen egunotan zehar. Asteburuan, berriz, hobera egingo du eta giro eguzkitsuagoa izango da.
Gaur, asteartea, tenperaturak nabarmen egingo du gora. Beroenak 20 ºC ingurukoak izango dira Kantauri isurialdean, eta 13-15 ºC-koak barnealdean. Euskalmeten arabera, zerua lainotu samar egongo da eta goizean tantaren bat edo beste egin dezakeen arren, ezer gutxi izango da.
Egunaren bigarren zatian, berriz, fronte berri sartu eta euritara joko du. Horrela, Kantauri isurialdeko zenbait tokitan baliteke trumoi-zaparradak eta euri mardulak egitea, bereziki kostaldetik gertu. Egunaren amaieran, berriz, atertzera egingo du. Mendebaldeko eta hego-mendebaldeko haizea ibiliko da, zakar samar zenbait momentutan.
Asteazkenean, euria eta haizea
Asteazkenean, berriz, fronteak iritsiko dira, eta zaparradak botako ditu egunean zehar, baina baliteke egunaren hasieran ateri eustea.
Gainera, egunean zehar haize bizia ibiliko da, hego-mendebaldetik hasieran eta mendebaldetik egunaren amaieran, bereziki kostaldean.
Ostegunean, euri gutxiago
Ostegunean, Euskalmeten arabera, haizeak gogor joko du eta tenperaturak behera egingo du. Mendebaldeko haizeak kostaldean joko du gehienbat, egunaren lehen partean.
Prezipitazioak ez dira handiak izango ostegunean, eta arratsaldean haizeak indarra galduko du. Gauean hego-mendebaldetik egingo du. Hodeiak agertuko diren arren, urdingune ederrak ere izango dira.
Zure interesekoa izan daiteke
Epel eta eguzkitsu abiatu da Pazko astea, eta ziurgabetasuna nagusituko da asteartetik aurrera
Aire hotza izango dugu altueran astearte arratsaldetik aurrera, eta depresio horren kokalekuaren arabera, eguraldia batera edo bestera aldatuko da. Gaur-gaurkoz, ateri eta epel jarraituko duela diote modeloek.
Udaberriko giroa eta eguzkia nagusi izango dira Aste Santuko asteburuan
Euskalmeten eta AEMETen aurreikuspenek joera aldaketa aurreikusten dute EAEn eta Nafarroan. Aste Santuko asteburua eguzkitsua izango da, eta tenperatura altuagoak izango dira.
Albiste izango da: badator eguzkia
Orain-eko albisteen laburpena, minutu batean.
Negu giroarekin ekingo diogu Aste Santuari, eta ostiraletik aurrera hasiko da epeltzen
Hotza, hodeiak eta euria izango dira protagonista. Ostiraletik aurrera, eguraldia egonkortu egingo da eta tenperaturak gora egingo du.
Eguzki eta bero konturik ez, gutxienez ostiralera arte
Euria eta hotza izango dira nabarmen asteko lehenengo egunetan. Osteguna ere gris antzean egongo da, zaparradak baztertu gabe. Badirudi, ostiral arratsaldean iritsiko dela aldaketa.
Abisu horia elur-maila 1.000 metrotik behera jaitsiko delako
Gauerditik igandeko 18:00etara, 700-800 metrora jaitsiko da elur-kota EAEn, eta Nafarroako Pirinioetan 21:00etan jarriko dute indarrean abisua.
Hotza, euria eta elur-kotaren jaitsiera astebururako
Elur-kota jaisten joango da eta euriaren intentsitatea ere aldatzen joango da.
Ostiralean menia labur bat izango den arren, hotza eta lainoak izango dira nagusi martxoaren hondarrean
Osteguneko giro goibelaren ostean, ostiralean hobera egingo du apur bat, baina astebururako zerua hodeitsu egongo da berriro, eta zaparradak, iparraldeko haizea eta tenperatura freskoak izango dira nagusi.
Adio udaberri giroari
Asteartea izango da asteko egunik eguzkitsuena. Goibel eta ilun datoz gainerako egunak, nahiz eta ostiralerako tregoa txiki bat espero den.
Eguzkia eta udaberriko giroa neguaren azken txanpan
Astearte honetan eta datozen egunetan tenperatura nahikotxo igoko da, hego haizeak lagunduta. Giro eguzkitsua espero da, hodei gutxi eta 25º inguruko tenperaturak kantauri isurialdean. Astebururako aldaketa dator, eta euri pixka bat egin lezake.