Haize bortitza eta 4 metrorainoko olatuak utziko ditu 'Oriana' ekaitzak, bihar arratsaldetik aurrera
Segurtasun Sailak abisu horiak ezarri ditu berriz Bizkaian eta Gipuzkoan, ostiral arratsaldetik aurrera, haizeagatik eta nabigaziorako arriskuagatik, egunotan denborale gogorra izan ostean.
Haizea, Getxon. Argazkia: EFE
Oriana depresioak eragina izango du Euskadin ostiraletik larunbatera bitartean, eta 100 km/h-ko ufadak izango dira Bizkaiko eta Gipuzkoako haize-begietan, batez ere kostaldean. Ostiraleko 18:00etatik aurrera haizeagatiko abisu horia ezarriko da, eta larunbat eguerdira arte egongo da indarrean. Haizeguneak ez diren lekuetan, mendebalde/ipar-mendebaldeko haize-boladak 60-80 km/h ingurukoak izan daitezke aldi horretan.
Gainera, ostiraleko 21:00etatik aurrera abisu horia aktibatuko da nabigaziorako arriskuagatik, 3,5 metrotik gorako olatuak izango baitira, 5-6 arteko indarreko haizearekin eta itsaso zakarr eta itsasaldi bortitzarekin batera.
Itsas denboraleak larunbat osoan jarraituko du, eta olatuak 4 metrotik gorakoak izan daitezke. Goizean 5-6 indar bitarteko haizea izango da, 7 puntuko indarrarekin, baina arratsaldean baretzera joko du. Egunaren lehen zatian itsaso zakarra izango da, eta arratsaldean egoera apur bat hobetuko da, itsasgorarekin.
Izan ere, 18:00ak arte alerta laranja egongo da indarrean, 5 eta 6 metro arteko olatuengatik. Hala ere, iragarritakoa baino altuago altxatu dira olatuak hainbat tokitan: Pasaiako portuan 7,85 metroko olatuak izan dira.
Nafarroan ere antzeko egoera espero da. Oraingoz, AEMETek ez du alertarik ezarri, baina euri asko eta haize-ufada bortitzak espero dira ostiralerako eta larunbaterako, bereziki, iparraldean.
Oriana ekaitzak Ipar Euskal Herrian ere utziko du arrastoa datozen orduotan. Hainbat tokitan, batez ere kostaldean, orduko 120 kilometrorainoko haize ufadak espero dira. Meteo-Francek alerta laranja du ezarrita Pirinio Atlantikoen departamenduan, haizeagatik.
Zure interesekoa izan daiteke
'Nils' ekaitzak ia 8 metroko olatuak eta 150 km/h-ko haize boladak utzi ditu kostaldean
Abisua ostiral honetako lehen ordura arte egongo da indarrean, nabigaziorako arriskuagatik eta kostaldeko inpaktuagatik. Haizeagatik ere ezarriko dira abisuak, batez ere kostaldean eta haizeguneetan. Donostian, haize bortitzak hogei gorabehera eragin ditu, adarrak bota eta edukiontziak mugitu baititu.
Alerta laranja ostegunean, 7 metrorainoko olatuak eta 120 km/h-ko haize-boladak izango baitira
Alerta gauerditik 18:00ak arte egongo da indarrean nabigaziorako arriskuagatik, eta ondoren abisu horia ezarriko da, haizeagatik.
Segurtasun Sailak alerta laranja ezarriko du ostegun honetan, 7 metrorainoko olatuengatik
Itsasoa zakar ibiliko dela jakinarazi du Segurtasun Sailak, eta ohartarazi du osteguneko 09:00ak arte 100 km/h-ko haize-boladak izan daitezkeela haizeguneetan, batez ere kostaldean.
Tenperaturak gora egingo du, baina euriak jarraituko du
Datozen egunetan tenperatura epelak izango dira otsail parterako, baina prezipitazioek bere horretan jarraituko dute eta haize zakarrak joko du astean zehar.
Bustitik eta epeletik igaroko da astea
Euri kontuak izango dira nagusi asteko egun guztietan, ostegunean kenduta. Hego haizea ibiliko da, eta horrek tenperatura maximoak igoaraziko ditu, batez ere asteartean eta asteazkenean. Termometroak 20 ºC-ra helduko dira isurialde atlantikoan, eta 15 ºC-ra, berriz, barnealdean.
121 kilometro orduko haize-boladak erregistratu dira Matxitxakon
Giro ezegonkorra eta olatu handiak, asteburuko protagonistak. Ipar Euskal Herrian alerta laranja ezarri dute euriagatik, eta abisu hori ugari daude itsasaldeko arriskuagatik, haizeagatik eta elurteengatik Pirinioetan.
Haizea eta euria, asteburuko protagonistak
Abisua larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Abisu horia ezarri dute EAEko kostaldean, bost metrorainoko olatuak altxatu eta 100 km/h-ko haize-ufadak egingo dituelako
Abisua ostegun gauetik larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Joseph ekaitzak Ingriden lekua hartu du eta 156 km/h-ko haize boladak izan dira
Abisu horian izan gara gauean eta oso bolada gogorrak eta euriteak izan dira goizaldean. Gipuzkoa da abisutik kanpo geratu den lurralde bakarra.