Informatikaz gozatzeko lau egun hasi dira Euskal Encounter-en
Euskal Encounter informatika jaia ostegun honetan hasi da, Bilbao Exhibition Center-en (BEC), Barakaldon (Bizkaia). Edizio honetan 6.000 pertsonak parte hartuko dute eta 4.000 ordenagailu baino gehiago daude, segunduko 20 gigabyte-ko konexioa izanez.
Iñigo Urkullu lehendakariak eman dio hasiera eguerdi honetan Euskal Encounter-en 21. edizioari, Santiagon asteazken honetan izandako tren-istripuaren ondorioz izandako biktimengatik minutu bateko isilunea eginez.
Sarean jokatu eta pelikulak jaisteaz gain, antolakuntzak aurten dohako hainbat konferentzia eta tailer programatu ditu bideo-jokoak diseinatzen ikasteko, Interneten fama hobetzeko eta Twitter sare sozialaren erabilera errazteko.
Aurten antolakuntzak hainbat gune berriro kokatu ditu erakargarriago egiteko:
Opengune: Jende guztiari zabalik dagoen gunea, hitzaldiak eta tailerrak egiteko. Ordenagailuen gune nagusiak ere leku berean jarraitzen du.
Gamegune: bideo-jokoei zuzendutako gunea. Aurten paper garrantzitsua jokatzen du, sarreraren ondoan dagoelako, bisitatzeko errazagoa izateko.
Euren alde artistikoa hobetu nahi dutenentzat, Euskal Encounterrek arte digitaleko gunea jarri du urte honetan, bertan, hiru dimentsiotako marrazkia burutuko da, besteak beste.
Gune berriez gain, hardaware-i eta software-i zuzendutako lekuak mantendu egin dira.
Zure interesekoa izan daiteke
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.