Zuckerberg: 'WhatsApp erostea jendea konektatzearekin bat dator'
Mark Zuckerberg Facebooken sortzaile eta ordezkariak WhatsAppen erosketa "munduan jendea konektatzeko" dela azaldu du, sare sozialak unibertsitateko garaian pentsatutakoaren era osagarrian.
Mobile World Congressen konferentzian esan duenez, WhatsApp konpainia handia da eta hori erosteak Facebooken ereduarekin "bat etortze handia" du. Sare sozialak berehalako mezuen gaian "bidaia berria" hasi du orain.
Egun munduan 1.200 milioi erabiltzaile dituen sare sozialaren sortzaileak azaldu duenez, WhatsAppen erabiltzaileen % 70ek egunero erabiltzen dute, baina ez dela zenbaki kontua soilik nabarmendu du, pertsonen arteko komunikazioa baizik.
'WhatAppek 19.000 milioi dolar baino gehiago balio du'
Mark Zuckerberg Facebookeko sortzaile eta ordezkariak WhatApp konpainiak 19.000 milioi dolar (13.836 milioi euro inguru) baino gehiago balio duela nabarmendu du. Lehengo astean prezio horren truke erosi zuen.
"Konpainia moduan bakarrik 19.000 milioi baino gehiago balio du", azaldu du, eta, oraindik irabazi gutxi baldin baditu ere, 1.000 milioi erabiltzaile izateagatik dagoeneko oso baliotsua dela gaineratu du.
Deiak WhatsApp bidez
WhatsAppek aplikazioaren bidez deiak egiteko aukera ahalbidetuko du aurtengo bigarren hiruhilekotik aurrera, Jan Koum sortzaileetako batek iragarri duenez.
Ez da lehenengo aldia Koumek Facebookek mezuak bidaltzeko konpainiaren erosketaren ondorengoei buruz hitz egiten duela, eta, esan duenez, WhatsAppen estrategia "ez da inondik inora aldatuko", ezta pribatutasun politika ere.
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.