Amazonen Kindle berria, aurrekoa baino arinagoa eta finagoa
Amazonek Kindle Oasis aurkeztu berri du, bere e-reader gailuen azken kidea. Voyage edo PaperWhite izeneko aurreko modeloekin alderatuta hainbat berritasun dakar: diseinu berria dauka, osagaien pisua hegal batera lekualdatu du eta ergonomikoagoa den eustea eskaintzen du. Ezaugarri horiek guztiek prezioan dute isla: 290 euro, Kindle familiako garestiena.
Kindle Oasis "hutsetik definitu" dute, Amazonetik diotenaren arabera. Kanpoko diseinua aldatu dute eta aldaketa hori barrutik jaio da; horrenbestez, aurreko eredua baino % 30 finagoa eta % 20 arinagoa izan dadila lortu dute.
Kanpotik berria
Diseinu berriak eragin zuzena dauka Kindle Oasis eusteko eta erabiltzeko moduan. Arreta ematen duen lehen gauza gailuaren pisu txikia da (131 gramo, 238 gramo zorroarekin) eta bere fintasuna (3,4 milimetro ditu alderik finenean).
Hegalean daude e-reader barruko osagai guztiak; aldi berean, era erosoagoan heltzeko diseinatu dute. Horrez gain, gailuaren posizioa antzematen duen azelerometro bat darama, eta horrek eskuinarekin edota ezkerrarekin eustea ahalbidetzen du. Horrenbestez, testuaren eta botoien funtzioen noranzkoak ere aldatu egiten dira; dena dela, azken horien ezarpenak aldatu egin daitezke.
300pp dituen bereizmen handiko pantailak testua argitasun handiz irakurtzea ahalbidetzen du eta irakurtzeko argia integratuta mantentzen du.
Barrutik berria
Barruko osagaiak hegal batera eraman dituzte. Alde horrek gainez egiten du, eta bertan dago diseinu berria duen bateria ere.
Pantailak sei hazbete ditu, aurreko modeloen gisara, baina malgua den xafla batez eta sendoagoa den kristalezko geruza bat dauka kanpotik, gailuak kolperen bat izanez gero edota eroriz gero, talkei hobeto eusteko.
Bateria kargatzeko sistema bikoitza
Kindle Oasis zorroarekin batera saltzen da. Zorro horrek ez du babesa sendotzen bakarrik, baizik eta bateria osagarri gisa erabil daiteke, gailuari elkartzen zaionean. Bi osagai horiek batera izanik, bateriak hilak iraun dezake kargatu beharrik gabe.
Bateria kargatzeko USB portu bat dauka Kindle berriak. Zorroak ez dauka USBrik, beraz, gailura elkartu behar da eta korrontera konektatu.
Eskuragarritasuna eta prezioa
Kindle Oasis asteazkenetik dago eskuragarri; ahala ere, apirilaren 27an hasiko dira bidaltzen. WiFidun modeloak 289,99 euro balio ditu eta 3G duenak 349,99 euro.
Zorroa Kindle berriaren batera saltzen den arren, etorkizunean bereizita erosi ahalko dira; alabaina, Amazonek ez du ez datarik, ez preziorik jakinarazi.
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.