FS Ingenium Nafarroako taldeak FIRST LEGO Leagueko Espainiako finala irabazi du
Asteburu honetan Errioxan izandako FIRST LEGO Leagueko Espainiar Estatuko Final Handian garaile atera da Nafarroako FS Ingenium taldea. Gainera, Arabako Tecnoclub Elburgo taldea eta Portugaleteko Santa Maria Ikastetxeko Edurobotic taldea ere saritu dituzte: arabarrek Inspirazio Saria irabazi dute, ondorioz, Tallinen izango den Europako finalerako txartela lortu dute; talde bizkaitarrak, ordea, Robotaren Programazioko bigarren saria eskuratu du.
Guztira, EAEko lau talde aritu dira finalean: Gasteizko Urkide Ikastetxea, Donostiako Axular Lizeoa, Arabako Tecnoclub Elburgokoa eta Portugaleteko (Bizkaia) Santa Maria Ikastetxea. Innobasquek antolatutako Euskadiko FIRST LEGO Leaguen finalean lehenengo postuak lortu zituzten ikastetxe horiek.
Europako finalerako txartela lortu du Tecnoclub Elburgo talde arabarrak. Argazkia: Innobasque
Uraren giza zikloa izan da aurtengo erronka. Tecnoclub Elburgoko arabarrek urtean 30.000 litro ur baino gehiago aurreztea proposatu dute, eta horretarako dutxetako ura biltzen duen eta komunean berrerabiltzen duen zisterna asmatu dute. Bestalde, Portugaleteko Edurobotikoek mugikorrerako aplikazio bat asmatu dute, ura aurreztea ahalbidetzen duena gamifikazioaren bidez.
Portugaleteko Santa Maria Ikastetxekoak. Argazkia: Innobasque
Ikasleentzat zuzendutako nazioarte mailako lehiaketa da FIRST LEGO League, xede izanik gazteen artean zientzia eta robotika sustatzea. Bertan parte hartzen dutenek zientzia-proiektua aurkeztu behar dute, robot bat diseinatu edota programatu. Aurten Espainiar Estatuko 78 talde izan dira lehian.
Zure interesekoa izan daiteke
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.