Facebook erabiltzen diren aplikazioen eta ikus daitezkeen datuen berri ematen hasi da
Astelehen honetatik aurrera, apirilak 9, erabiltzen dituzten aplikazioen eta ikus dezaketen informazioaren berri emango die Facebookek erabiltzaileei. Sare sozial horretako erabiltzaileek webgunearen goiko aldean agertu den esteka batean ikusi ahal izango dute informazio hori, Mike Schropfer Facebookeko Teknologia zuzendariaren esanetan.
Hala, aplikazioren bat ezabatu nahi duten ala ez erabaki ahal izango dute. Horrez gain, Cambridge Analytica kasua dela eta informazioa arriskua izan duten erabiltzaileei jakinaraziko zaie. Aplikazioek lor ditzaketen datuen inguruko kontrola areagotzeko enpresak iragarritako neurrien artean dago gaur abian jarritakoa.
Cambridge Analytica aholkularitza britainiarraren istiluaren ostean hartu ditu neurriak Facebookek. Izan ere, 87 milioi erabiltzaileren datuak "modu desegokian partekatu" ziren Cambridge Analytica bidez, konpainiak azaldu zuenez.
Estatu espainiarrean, Mark Zuckerbergek sortutako enpresaren kalkuluen arabera, 44 pertsonak instalatu zuten 'Thisisyourdigitalife' aplikazioa; eta, ondorioz, 136.985 pertsonaren datuak filtratu ziren.
Mark Zuckerberg Facebookeko kontseilari delegatuak agerraldiak egingo ditu astearte eta asteazken honetan AEBko Kongresuaren zenbait batzordetan. Aldez aurretik, diputatu talde batekin bildu da astelehen honetan.
Zure interesekoa izan daiteke
Elon Muskek Grokipedia kaleratu du, AAz egindako entziklopedia: tresnak Trump goraipatzen du eta haren arabera Euskadi ez da existitzen
Elon Muskek bultzatutako plataforma berriak ia milioi bat artikulu sortu ditu adimen artifizialaren bidez, eta joera ideologiko oso argia islatzen du. Egungo bertsioan, Grokipediak ez du "Euskadi" terminoa barne hartzen, 20.000 hitz eskaintzen dizkio Donald Trumpi (80 orrialdeko liburua egiteko adina) eta Francori, HIESari eta esklabotzari buruzko ikuspegi partzialak ematen ditu.
Merezi al du oso bereizmen handiko telebista bat erostea?
Erantzuna ezezkoa da. Cambridgeko Unibertsitateko ikertzaileek diote giza begiak bereizmen-muga bat duela.
YouTubeko milaka bideoren bidez "malware"a eskala handian banatzeko operazio bat identifikatu dute
Gaizkileek YouTubeko kontu faltsuak edo konprometitutakoak erabiltzen zituzten softwarea pirateatu eta jokoak hackeatzeko bideoak argitaratzeko, balizko biktimak erakartzeko amu gisa. Programa horiek lortzeko fitxategiak deskargatzea eskatzen zuten, baina artxibo horiek, benetan, gailua kutsatzen zuen malwarea zuten.
Amnistia Internazionalak salatu duenez, TikTok "nerabeen autoestimu txikiaz baliatzen da dirua irabazteko"
Erakundearen txosten batek ohartarazi duenez, sare sozialaren algoritmoak automutilazioari eta suizidioari buruzko edukiak helarazten dizkie gazteei. AI erakundeak adingabeak babesteko premiazko neurriak hartu ditzaten eskatu die Europako Batzordeari eta Frantziako Gobernuari.
Martxan da Amazonen hodeiko zerbitzua, atzoko gorabeheren ostean
Konpainiak atzo iragarri zuen egunean hasi zirela zerbitzu gehienak martxan, eta sarearen funtzionamendua nomal ibili zela eguna bukatzerako.
Zer da Amazon Web Services?
Hodeiko zerbitzuen hornitzailea erori da astelehen honetan, urriaren 20an. Milaka plataforma bertan behera gelditu dira mundu mailan, baina... Zer da Amazon Web Services eta zergatik da hain garrantzitsua Interneten?
Amazonen hodeiaren erorketak arazoak eragin ditu munduko hainbat web zerbitzutan
Amazon, Alexa, ChatGPT, Perplexity, Epic Games Store eta Fortnite bezalako plataforma eta zerbitzuei eragin die gorabeherak.
Instagramek konexio-arazoak ditu mundu osoan
Ostegun goiz honetan Metaren sare soziala konexio arazoak izaten ari da nazioarte mailan. Horren ondorioz, erabiltzaileak zailtasunak izaten ari dira edukiak eguneratzeko.
Nola lortu du Euskadik IBMren Quantum System Two ordenagailua?
Bide luze eta zail baten ondoren, IBM Quantum System Tworen ordenagailua martxan da Donostian. Mugarri hau Euskadi zientziaren abangoardian jarri nahi zuten agintari eta zientzialariek elkarrekin hartutako erabakiaren emaitza da.
Pradales: "Ikerkuntza, berrikuntza eta aurrerabidearen aldeko apustua egiten dugu"
Hainbat urteko lanaren ondoren, Euskadik IBM Basque Country inauguratu du, IBMren sareko ordenagailu kuantiko indartsuena. Aurrerapauso historikoa da, teknologia eta zientzia eralda ditzakeena. Superkonputagailua Ikerbasqueren Donostiako eraikin berrian egongo da. Horrela, IBM-Basque Country IBMren ordenagailu kuantiko aurreratuenen munduko sarean integratuko da.