Zibereraso batek zerbitzurik gabe utzi ditu SER irratiaren sistemak
SER irratiak ransomware (fitxategien enkriptatzailea) motako birus informatiko baten erasoa jasan du gaur goizaldean eta konpainiaren barneko sistema informatiko guztiek kalte "larria eta orokorra" izan dute, Prisa taldeak astelehen honetan jakitera eman duenez.
Kateak azaldu duenez, zibererasoetan ezarritako protokoloari jarraituz, "sistema informatiko operatibo guztiak deskonektatu dituzte".
"Une honetan, SER irratiaren emisioa bermatuta dago Madrilen duen egoitza nagusitik eta talde autonomoen laguntzarekin", adierazi du; bestalde, gaineratu du "teknikariak lanean ari direla irrati bakoitzaren tokiko programazioa pixkanaka berreskuratzeko".
Espainiako Gobernuko Segurtasun Nazionaleko Departamentuak ohar baten bidez jakinarazi duenez, gaur goizean "malware bidezko ransomware infekzioak izan dira Espainiako enpresa estrategikoetan".
Zibererasoak 300 eta 600 dolar arteko erreskatea ordaintzea eskatzen die kaltetuei, datuak berreskuratzeko.
Espainiako Gobernuaren agiri horren arabera, "ez da konpainia horien aurkako erasoa, mundu osoko taldeei eragiten dien eraso masiboa baizik".
Horrelako zibererasoek ez dute datuen segurtasuna arriskuan jartzen, ezta lapurtzen ere; aitzitik, kaltetutako ordenagailuaren fitxategietarako sarbidea blokeatzen dute.
Horrenbestez, gomendatutako neurrien artean dago ekipoak saretik deskonektatzea, infekzio berriak saihesteko.
Wallapop hackeatu dute
Wallapopek asteburu honetan itxi du erabiltzaileen kontu irekien saioa, plataforman "bidegabeko sarbide bat" antzeman dutelako, eta, ondorioz, erabiltzaileek pasahitza aldatu behar izan dute aplikazioan berriro sartzeko.
Wallapopek mezu elektroniko bat bidali die asteburu honetan plataforman beren kontuak irekita zituzten erabiltzaileei itxi zituztela jakinarazteko, "gure plataforman bidegabe sartu baitira eta zure datuak babesteko neurriak hartzera behartu baikaitu".
Zure interesekoa izan daiteke
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.