WhatsAppen modu iluna erabilgarri dago jada iOS eta Android sistemetarako
WhatsAppek, mundu osoan milaka pertsonek erabiltzen duten berehalako mezularitza aplikazioak, modu iluna jartzeko aukera gehitu dio bere zerbitzuari, eta dagoeneko erabilgarri dago iOS eta Android sistemetarako.
Erabiltzaile askok behin eta berriro eskatu duten aukera bat da, pantailaren distira murriztu eta kontrastea hobetzea ahalbidetzen duena, irakurketa erraztuz. Facebooken menpe dagoen berehalako mezularitza konpainia horrek, hainbat hilabetez probak egin ostean iragarri du aukera berria.
"Dagoeneko ezaguna den esperientzia batean irudi berria eskaintzen du Whatsappen modu ilunak. Argi gutxi dagoen inguruetan ikusmen-nekea murrizteko asmoz prestatu da tresna hori, eta, horrez gain, bateriaren kontsumoa murrizteko aukera ematen du. Telefonoak gela osoa argitzen duenean sortzen diren une deserosoak saihesten laguntzea ere espero dugu", adierazi du WhatsAppek ohar batean.
Android 10 eta iOS 13 sistemen erabiltzaileek modu iluna aktibatu dezakete jada sistemaren konfigurazioan, eta Android 9 eta aurreko bertsioen erabiltzaileek urrats hauek jarraitu behar dituzte: Doikuntza > Mezuak > Itxura > 'Iluna'.
Zehazki, iOS sistema erabiltzen duten gailuetan WhatsAppen modu iluna beltza izango da, eta gris iluna Androiden.
Konpainiak, bideo labur batekin batera jakinarazi du modu iluna eskuragarri dagoela. Bertan, hainbat pertsona ageri dira ohean, berehalako mezularitza aplikazioa erabiltzen. Hello Darkness du izenburu bideoak, eta Paul Simonek argitaratutako The Sound of Silence abestiaren bertsioa egin dute.
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.