Txatetik berehala desagertzen diren argazkiak eta bideoak bidaltzeko aukera ematen du WhatsAppek
Jasotzen dituen kontaktuak zabaldu eta ikusi orduko txatetik desagertzen diren argazkiak edo bideoak bidaltzeko aukera ematen du WhatsAppek dagoeneko. Teorian funtzioak plataformaren pribatutasuna areagotzen du, baina estortsioaren biktima izateko arriskua ere badago.
Bakarrik behin ikus daitezkeen argazkiak eta bideoak eskuragarri daude jadanik WhatsaAppen, lehenago Instagram, Snapchat edo Telegramek eskaini duten aukera. Erabiltzaileak harreman zehatzekin partekatu nahi dituen eduki bereziak, adibidez, NAN argazkia edo WiFi sare batera konektatzeko erabiltzaile eta pasahitza.
WhatsAppek ziurtatu duenez, aldi baterako mezu motak honek erabiltzaileari pribatutasunaren kontrol handiagoa ematen dio. Baina hartzaileak pantaila-irudiak ateratzeko aukera duela ohartarazi du plataformak, funtzioak aplikazioan ez duelako inongo mugarik.
'Grooming' eta 'Sextortsioa'
Horrek erabiltzailea arriskuan jar lezake. Adibidez, sexu arrazoiengatik estortsioaren aurrean zaurgarria bihurtu dezake, Panda Securityk ohar batean ohartarazi duenez. Segurtasun Estatu Idazkaritzak jakitera eman duenez, delitu mota horrek % 46 egin du gora 2018tik.
Era berean, 'grooming', jazarpen eta adingabeen sexu-abusuak ere eman daitezke. Ziberkriminal helduek TikTok bezalako sare sozialetara jotzen dute, nerabeen artean oso ospetsua, eta biktimarekin harremanetan jartzen dira profil faltsu baten bidez, adingabe baten edo 'influencer' baten itxurak eginez, Pandak erantsi duenez.
Harreman horretan biktimaren konfiantza lor dezakete, eta adingabeak helduari telefono zenbakia eman diezaioke, elkarrizketa WhatsApp bidez jarraitzeko. Une horretan hasiko litzateke jazarpena, baita sexu eduki eskaerak ere.
Zibersegurtasuneko enpresak ohartarazi duenez, "hortxe dago segurtasun faltaren arazoa, zibergaizkileak erraztasun guztiak ditu bakarrik behin ikus daitekeen artxiboa bereganatzeko".
Bestalde, helduen arteko 'sextortsioan', gehienetan hitzordu aplikazioen bidez hasten da harremana, adingabeen 'grooming'aren antzera.
Biktimak segurtasun sentsazio faltsua izan dezake, WhatsApp bezalako funtzioak erabiliz edukia bidaltzen duenean, hartzaileak zabaldu eta ikusten duenean berehala desagertzen dela pentsatzen duelako.
Sextortsio delituaren funtsa xantaia da; ziberkriminalak biktimari artxibo pribatuak publikoki zabaltzeko mehatxu egiten dio, eta dirua edo mesedeak eskatzen ditu trukean, eduki sexual gehiago bidaltzea esaterako.
Zure interesekoa izan daiteke
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.