Zortzi karaktere baino gutxiagoko pasahitzak ordubetean deszifratu daitezke
Zortzi karaktereko pasahitzak ordubete baino gutxiagoan deszifratu ditzakete hackerrek. Aldiz, pasahitzaren hamabi karaktereek maiuskulak, minuskulak, zenbakiak eta sinboloak uztartzen badituzte, 3.000 urte beharko dituzte pasahitza argitzeko. Hala ohartarazi du Jordi Serrak, Kataluniako Unibertsitateko informatikako irakasleak, astelehen honetako Pasahitzaren Nazioarteko Egunaren harira.
Hive Systems segurtasun zibernetikoko enpresak berriki egindako ikerketa baten arabera, hamabi karaktere baino gutxiagoko pasahitzak berehala deszifratu daitezke, betiere zenbakiak soilik badituzte, edo letra xehez osatuta badaude.
Serra irakaslearen arabera, pasahitzek hamar karaktere baino gehiago izatea komeni da. Hala ere, bere hitzetan, pasahitza hiztegian aurkitu daitezkeen hitzetatik sortzen bada, erabilitako hitzaren luzera ez da oso garrantzitsua. Informatikako tresna batzuek hitz ezagunen konbinazioak probatu ditzazkete, datak gehituz, eta letren eta zenbakien konbinazioak sortuz.
Bestalde, NordPass izeneko azterketak azaltzen duenez, Espainiar Estatuko zenbaki-konbinazio ohikoena 12345 da, eta ondoren, 123456 eta 123456789. Ikerketa horren arabera, 10. posizioan "Bartzelona" dago, 16. posizioan "Alejandro", eta 18. posizioan, "tequiero". Gainera, futbol talde gogokoenaren izena erabiltzea ere ez da aukera ona, gehien erabiltzen diren pasahitzen zerrendaren bosgarren postuan agertzen baita toki batzuetan.
Munduan gehien erabiltzen diren pasahitzen artean, ordenagailuaren teklatuko lehen letra-ilara, "qwerty", laugarren lekuan dago. Zerrendako hurrengo postuan "password" aurkitu daiteke (ingelesez, pasahitza).
Irakasleak identifikazio metodo bat baino gehiago erabiltzea gomendatzen du. Adibidez, mugikorrera heltzen den kode bakarra erabiltzea, pasahitzarekin batera.
Zure interesekoa izan daiteke
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.