Atzera egin du Elon Muskek, eta azkenean, erosi egingo du Twitter
Elon Musk Tesla konpainiako sortzaileak erosi egingo du Twitter sare soziala azkenean 44.000 milioi dolarren truke, uztailean iragarri zuen bezala, Bloomberg agentziak jakinarazi duenez.
Udan sare soziala erosteko akordioa itxi bazuen ere, handik gutxira, atzera egin zuen enpresaburuak, eta operazioa ez gauzatzea erabaki zuen. Orain, betiere aipatutako iturrien arabera, gutuna bidali dio konpainiari, salerosketarekin adostutako prezioan (54,2 dolar akzio bakoitzeko) aurrera egitea proposatzeko.
Albistearen berri izan eta gero, Twitterren akzioak % 12 igo dira, eta burtsak saioa eten behar izan du bat-bateko hazkunde horren aurrean.
Ordu batzuk geroago, sare sozialean argitaratutako mezu baten bidez, enpresariak adierazi du Twitter erostea "X sortzeko azeleragailua" dela, "denetarako aplikazioa". Proiektu horri buruzko xehetasun gehiago eman ez dituen arren, baliteke Muskek produktu berri bati buruz hitz egitea, The New York Times egunkariak maiatzean egindako aurkezpen baten arabera.
Aurkezpen horretan, enpresaburuak X izeneko produktu bat aipatzen zuen (ez zen xehetasunik filtratu), eta 2023an inplementatu zitekeela aurreratu zuen, lehen urtean 9 milioi harpidedunekin hasi eta 2028an 104 milioira irits zitekeena.
Prozesu judiziala
Muskek eta Twitterrek elkarren arteko gatazka dute udatik, eta erabaki honek amaiera eman liezaioke horri, baina Muskek ez du informazioa baieztatu, ezta gezurtatu ere. Twitterrek ere ez du adierazpenik egin, albistea argitaratu eta ordu erdira.
Uztailean, online mezularitza zerbitzua erosiko zuela esanda, Muskek, azkenean, ezetz erabaki zuen, ez zuela egingo; izan ere, argudiatu zuenez, akordioaren hainbat xedapen ez ziren betetzen ari. Besteak beste, konpainiak zenbatutako kontu faltsuen kopurua.
Horri erantzunez, Twitterrek auzitara eraman zuen enpresaria. Aurreikuspena zen prozesu judiziala urriaren 17an hastea, baina orain, baliteke prozesu hori etetea.
Zure interesekoa izan daiteke
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.