Bob Geldof eta Nick Lowe, Stop War Festibaleko lehen bi kartelburuak
Bob Geldof eta Nick Lowe musikariak izango dira Donostia 2016ren baitan, martxoaren 25etik 27ra, Gipuzkoako hiriburuan egingo den Stop War Festibaleko hiru kartelburuetako bi. Hirugarren kartelburua aurrerago jakinaraziko dute antolatzaileek.
Arrate Velasco Donostia 2016ko Bakearen Itsasargiko arduradunak, Imanol Zubia Demaguneko koordinatzaileak, Jokin Tellleria Kultura Alternatiboko koordinatzaileak eta Sergio Cruzado Gin Musikako programazio arduradunak jakinarazi dituzte jaialdian izango diren nazioarteko hiru artisten lehen bi izenak. Festibalaren egun bakoitzean bertako artista edo talde bat ere izango dela gaineratu dute. Jaialdia Maria Kristina zubiko agertoki handian eta inguruko guneetan egingo da.
Halaber, jaialdiaren kartela ere aurkeztu dute; Garikoitz C. Murua Fierro artistak egin du eta bi bazter lotzen dituen zubi bat ageri da bertan, jaialdiaren metafora gisa.
Bob Geldof musikariak martxoaren 25ean eskainiko du kontzertua eta horren aurretik Gose taldeak berotuko du Maria Kristina zubiko giroa.
Martxoaren 26an Nick Lowe musikariaren txanda izango da, eta musikari britainiarraren aurretik, Anari abeslari eta konpositore azkoitiarra arituko da oholtza gainean.
Martxoaren 27rako ere eskema berari eutsiko diote antolatzaileek, hots, bertako talde bat eta nazioarteko talde bat. Martxoaren 26an kontzertua eskainiko duen nazioarteko taldea ere lotua ei dute antolatzaileek, baina aste batzuk geroago iragarriko dute.
Sustatzaileek azaldu dutenez, Stop War Festibalaren asmoa "musikak Urumearen bi bazterrak musikaz batzea da, elkartasunerako eta bizikidetzarako zubi bat eraikiz".
Gainera, jaialdiaren harira bi eguneko topaketa bat egingo da, gaur egun mundua astintzen duten gatazken inguruan hausnartzeko eta herri mailan gerraren aurka zer egin daitekeen aztertzeko.
Bestalde Silvio Rodriguez kubatarrak kontzertu berezia eskainiko du apirilaren 3an Anoetako belodromoan.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.