On Appétit! ekimenak Zipre eta Euskal Herriko gastronomiak elkartzen
Donostia 2016ren On Appétit! egitasmoaren helburua, euskal sukaldaritza eta Europakoak bat egitea da. Otsailean, Poloniako Tomasz Hartman eta Michael Czekajlo sukaldariak etorri ziren eta bigarren edizioan, Italiako gastronomiak eta euskal sukaldaritzak bat egin zuten Enza Leoneren eskutik. Oraingo honetan, Zipreko Marios Efstathiou etorri da gurera.
Tafallako Tubal jatetxeko Nicolas Ramirezen eskutik, Efstathiouk Nafarroako sekretu gastronomiko goxoenak deskubrituko ditu apirilaren 11tik 17ra. Inspirazio iturri, besteak beste, Nafarroako orburua eta zainzuria izango ditu.
Hilaren 15ean, ostirala, Zipreko sukaldariak afari-tailerra antolatuko du Basollua gastronomia-elkartean. Hitzordua 20:30ean izango da eta edonork parte hartu ahal izango du 19,80 € ordainduz gero. Sarrrerak aldez aurretik erosi behar dira onappeetit.eu webgunean.
Hilaren 16an, larunbata, 19:00etan, Donostia 2016ren egoitzan, Easo kalea 43, izango da show cookinga eta bertan prestatuko diren errezetak dastatzeko aukera ere egongo da. Zipreko errezeta klasiko batzuk prestatzeko aukera izango dute herritarrek, baina aurreko egunetan, Marios Efstathiouk ezagutu dituen produktuetara egokituta. Jardueran edonork har dezape parte eta doakoa da, nolanahi ere, gehienez 200 lagunentzako tokia izango da.
Zure interesekoa izan daiteke
EITBren "Super Manterola" komedia berria grabatzen ari dira
Anjel Alkain, Iker Galartza eta Aitziber Garmendia daude aktoreen artean. Karmelo eta Luixito anaiak dira, biak mutilzaharrak, eta Bakartxo ilobarekin batera, Super Manterola dendaren ardura dute. Azpeitiko Erdi kalean grabatzen ari dira eta, oraindik emisio egunik zehaztu ez bada ere, barre-algarak egin egingo ditugu.
Korrikaren lehen kilometroak Parisen, aldarrikapenez beteta
Dozenaka lagunek hartu dute parte Korrikaren lehen kilometroetan, Parisen, eta Euskal Etxearen 70. urteurrena ere ospatu dute, besteak beste, Frantziako Estatuan euskararen ofizialtasuna aldarrikatuz.
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.
'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.
Jone San Martinek "sORDA" ikuskizuna sortu du, gortasunaren inguruan
Dantza garaikidearen eta soinuaren zein isiltasunaren arteko elkarrizketa eskaintzen du dantzari donostiarrak ikuskizun berrian.
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.