Olatu Talkak amaiera biribila eman dio hamar urteko ibilbideari
Olatu Talka kultura jaialdiak amaiera biribila eman dio igande honetan hamar urteko ibilbideari. Antolatzaileek “oso balorazio positiboa” egin dute goizean, jardueren aniztasuna eta herritarren erantzuna gogoan izanik. 2009an sortu zuten ekimena, Donostiako 2016ko Kultur Hiriburutza sustatzeko asmoz. Hamar urteko zikloa amaituta, etorkizunari begirako hausnarketari hasiera emango diote, oraindik zehaztu gabe dagoen beste eredu berri bat sortzeko asmoz.
Hala iragarri du gaur Jon Aizpurua Olatu Talkako zuzendariak, hamargarren edizioaren lehen balorazioa egiteko deitu duen prentsaurrekoan. Maiatzaren 31tik ekainaren 2ra bitartean, 50.000 pertsona baino gehiagok parte hartu dute ekologiarekin eta ingurumenaren zaintzarekin inoiz baino lotuago egon den ekitaldian.
“Olatu Talka hamargarren urteurrenean amaitzea oso garrantzitsua da guretzat, hamar urteko ibilbidea ixten dugulako. Datorren urtean ez da kultura jaialdirik izango, baina beste eredu berri bar sortzeko hausnarketari hasiera emango diogu gaur. Donostiako gizarte eragileek eguneroko ekintza kulturaletan tokia izatea da gure helburu nagusia”, azaldu du Aizpuruak.
Testuinguru horretan, Olatu Talkako zuzendariak amaiera biribila eman nahi izan dio hamar urteko ibilbideari. Izan ere, kultura jaialdia duela hamar urte sortu zuten, Donostiako 2016ko Kultur Hiriburutza sustatzeko, “oso helburu zehatz batzuekin”. Ildo horretatik, herritarrek burututako ekintza kultural ezberdinak kalera ateratzeko asmoa zuten.
Aurtengo edizioari dagokionez, ostiraletik igandera bitartean antolatutako jarduera guztietan eguraldia lagun izan dutela nabarmendu Aizpuruak. Hala, “helburu guztiak bete” dituztela esan du, eta ekimenean parte hartu duten elkarte eta antolatzaile guztiak “pozik” agertu direla gaineratu du.
“Hamargarren urteurren honetan, etorkizunera begiratzeko ordua da, oraindik zehaztu ez dugun beste eredu bat sortuz. Gauzak horrela, oraindik ez dakigu ziur aurrerantzean Olatu Talka jaialdi bat izaten jarraituko duen edo urte osoan zehar antolatutako ekitaldiek beteko duten hutsunea”.
Zure interesekoa izan daiteke
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.