Eusko Jaurlaritzaren Kultura Planak Euskal Liburutegia sortzea aurreikusten du
Eusko Jaurlaritzak onartu berri duen Kultura Planak 2019-2022 aldirako sailaren ildo nagusiak jasotzen ditu, tartean, Euskal Liburutegia sortzea, euskal kulturaren inguruko liburutegi digitala izango dena; euskal ikus-entzunezkoen sektoreari bultzada ematea; Artearen Euskal Sistema indartzea, eta euskal kulturaren nazioartekotzea sustatzea.
'Kultura Plana 19/22' dokumentuan hiru azpisistematan banatzen dira kultura politikak: kultura sorkuntza, kultura eskaintza eta memoria bizia.
Bingen Zupiria Kultura sailburuak azpimarratu duenez, planaren helburua sormena eta kulturaren kontsumoa sustatuko duten egitura eta politika publikoak identifikatzea eta zehaztea da.
Zupiriaren esanetan, berritzaileak edo konplexuak direlako edo hizkuntza minoritario batean daudelako merkatuari begira bestela existituko ez liratekeen kultura-adierazpenak bideratu edo lagundu behar ditu sektore publikoak. "Euskadiko erakundeen ardurapean Euskadin, bertako bi hizkuntza ofizialetako edozeinetan, sortutako eta eskainitako kultura guztia dago. Hala ere, ardura berezia dugu euskaraz sortutako kultura sustatzeko, babesteko eta hedatzeko. Hori beste inork ez baitu egingo", gaineratu du.
Plana bi ardatz kontuan hartuta garatu dute: aukera berdintasuna bi hizkuntzen artean eta aukera berdintasuna gizon eta emakumeen artean. Zupiriak nabarmendu duenez, euskaraz sortzen denak eta emakumeek sortzen eta ekoizten dutenak babes eta arreta berezia behar dute.
Lan-ildoei dagokienez, hauek dira nagusiak: sortzaileen lan-baldintzak hobetzea, ikus-entzunezkoen goraldia sustatzea, nazioartekotzea sustatzea eta euskal kulturaren ikusgarritasuna areagotzea.
Bestalde, kultura eta sormen industriak sustatuko dira horretarako Basque DC2 (Basque District of Culture and Creativity; Kulturaren eta Sormenaren Euskal Distritua) sortuz eta egituratuz.
Zure interesekoa izan daiteke
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.
'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.
Jone San Martinek "sORDA" ikuskizuna sortu du, gortasunaren inguruan
Dantza garaikidearen eta soinuaren zein isiltasunaren arteko elkarrizketa eskaintzen du dantzari donostiarrak ikuskizun berrian.
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.
“Urrats kolektiboak” pastoralaren testua, zubereraz eta batuan
Barkoxeko herritarrek 2025eko uztailaren 27an eta abuztuaren 2an eta 10ean antzeztu zuten pastorala, eta Euskal Telebistak 2026ko Aste Santuan emitituko du. EITBko Euskara Zerbitzuan euskara batura ekarri dute testua.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.