Abian da MWCren hogeigarren ekitaldia Bartzelonan, fokua espazioan eta begirada 6G teknologian jarrita

Abian da Bartzelonan Mobile World Congress (MWC) eraskustazokaren 20. ekitaldia, 100.000 bisitari baino gehiago izateko helburuarekin, eta burujabetza digitala, sateliteen teknologia berriak eta 6Ga jomugan jarrita. 

Telefonia kongresuak 2.900 erakusketari baino gehiago bilduko ditu. Bartzelonako Gran Via de Firako azoka-barrutian martxoaren 5era arte izango da zabalik eta lurraldean 585 milioi euroko eragin ekonomikoa sortzea aurreikusten du, aurreko ekitaldian baino % 4,3 gehiago.

Aurten, nobedade nagusien artean dira 'Muga Berriak', espazioari eskainitako Hall 6ko gunea, SpaceX eta Starlinkek parte hartuko dutena; 'Airport of the Future', hegazkingintzari buruzko eremua, eta 'CircuitX', Bartzelona-Kataluniako Circuiteko mugikortasun adimendunari buruzko proposamena.

Konektibitatearen arloko aukera berriek espazioan dute jarrita begia, eta kongresuak eremu bereizia eskainiko dio Hall 6an satelite-teknologiari, teknologia kuantikoaeri eta adimen artifizialeko sozluzioei (AA). 

'Muga Berriak' izeneko eremu hori izango da kongresua espaziora begira jartzeko lehen esperientzia, eta bertan izango dira Gwynne Shotwell SpaceXen presidente eta operazio zuzendaria eta Michael Nicolls Starlink dibisioko ingeniaritza presidenteordea. 

Lurrera itzulita, MWC antolatzen duen GSMA operadoreen patronalaren beste interesetako bat aireko garraioa izan da, eta arlo horretan sakontzeko jarri du, azoka-barrutitik kanpo, 'Aviation of the Future' gunea, Airbusen eta Outsighten parte-hartzearekin, besteak beste.

4YFN, Talent Arena eta Hall Zero

Azokan ohikoak diren guneak ez dira faltako, esaterako, 4 Years From Now (4YFN) gunea, startupen sektoreko ekintzaileei, inbertitzaileei eta enpresa berritzaileei eskainitakoa. 

Talentu digitalean zentratautako Talent Arena gunea Montjuïceko esparruan kokatuko da eta jarduera ugari egingo dituzte han martxoaren 2tik 4ra. 22.000 profesionalek eta unibertsitariok inguru parte hartuko dute talentu digitala identifikatzeko, garatzeko eta gero erakartzeko ekintzetan. 160 eduki-saio baino gehiago, 45 workshop, 20 jarduera baino gehiago Skills Laben, 30 robotika eta gaming saio baino gehiago eta 5 hackatoi antolatu dituzte. 

Etorkizunera begira Bartzelonako MWCek Hall Zero eremua du helburu, eta azoka 60.000 m2 handiagoa da, eta erakusketen guztizko azalera 300.000 m2-ko izan dadin. Handitze hori funtsezkoa izango da GSMAk edukiera handitu eta proiektu berriak sartu ahal izateko. 

Hala ere, azpiegitura ez da 2027ko erdialdera arte egongo martxan, eta, beraz, 2028ko MWCra arte ezin izango da erabili.