Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen

Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.

De izquierda a derecha, la presidenta Chivite, el presidente Sánchez y el fundador de Hithium, Jeff Wu.

REMITIDA / HANDOUT por GOBIERNO DE NAVARRA

Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma

15/4/2026

Agentziak | EITB

2026/04/15 - 11:27

Azken eguneratzea

2026/04/15 - 11:27

Nafarroako Gobernuak eta Hithium Txinako enpresal konpromiso-agiri bat sinatu dute gaur, Pekinen, Foru Erkidegoan egingo den inbertsioa gauzatzeko bidean aurrera egiteko.

Proiektuak Nafarroan bateriak biltegiratzeko planta bat ezartzea aurreikusten du, eta 405 milioi euroko inbertsioa egitea eta 1.000 lanpostu sortzea —lehen fasean 700 lanpostu inguru sortuko dira—.

Hedabideen aurrean egindako adierazpenetan, Maria Chivite Nafarroako Gobernuko presidenteak azaldu duenez, oso albiste ona da Nafarroarako.

Chiviteren esanetan, proiektua gauzatzeko pauso administratiboak ematea falta bada ere, aurreikusitako denborak betetzen badira, 2027ean ekoizten hastea da enpresaren asmoa.

Bateria lantegia non kokatuko den galdetuta, Ezkirozko BSH planta aukera bat dela adierazi du Chivitek. Dena den, oraindik xehetasunak zehazteke daudela esan du.

Bestalde, Mikel Irujo Industria kontseilariak adierazi du gaurkoa Nafarroarako "egun garrantzitsua", "beste mugarri" bat dela, Hithiumek bere inbertsioa Foru erkidegoan gauzatze aldera.