Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Volotea airelineak prezioak egokitzeko sistema aldagarri bat jarri du abian, Fair Travel Promise. Konpainiak iragarri duenez, sistemak ahalbidetuko du hegazkina aireratu baino astebete lehenagora arte txartelen salneurria egokitzea, une horretan erregaiak duen prezioa kontuan hartuta. Bidaiari bakoitzeko gehienez 14 eurorainoko aldaketak egin ahal izango ditu.
Erregaiaren prezioa etengabe ari da aldatzen, eta eredu berri horren bidez gehigarri finko tradizionalak aplikatzeari utzi nahi dio Volotea airelineak.
Noiz aplikatuko da?
Erregaiaren prezioa hegaldia baino 7 egun lehenago begiratuko da, eta orduan zehaztuko da txartelaren behin betiko prezioa.
Erregaiaren kostuak gora egiten badu, airelineak 14 eurorainoko gehigarria aplikatu ahal izango du bidaiari eta hegaldi bakoitzeko. Aitzitik, prezioek behera egiten badute, bezeroei zenbateko horretarainoko aldea itzultzeko konpromisoa hartu du konpainiak.
Bidaiariariek aukera izango dute, nahi izatera, hegaldia aldatu zein doan bertan behera uzteko, betiere aireratu baino 4 ordu lehenago.
Voloteak jakinarazi du martxoaren 16az geroztik ari direla sistema berria aplikatzen, eta bezeroen % 97k onartzea eta aurrera jarraitzea erabaki durela. Konpainiak esan du horrek erakusten duela ekimenak "bezeroen espektatibak betetzen dituela, eta prezio finkoen igoeren alternatiba justua" eskaintzen duela.
Airelinearen arabera, eredu berriak ikuspegi "berritzailea" eskaintzen du, eta "malgutasuna, bidezko tratua, aukeratzeko askatasuna eta gardentasuna" uztartzen ditu.
Zure interesekoa izan daiteke
Justiziak errefusatu egin du mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplizitateagatik. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa bati esportatzeagatik eta hori ustez armamentua fabrikatzeko erabiltzeagatik.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.