Euskalduna Jauregiak 1.634 eserlekura murriztu du edukiera
Astearte honetan, Bilboko Euskalduna Jauregiak osasun-segurtasuna bermatzeko hartu dituen neurrien berri eman du. Horrela, lehen 3.770 eserleku bazituen ere, orain 1.634 besterik ez dira egongo erabilgarri, eta horietatik 1.000 Auditoriumean egongo dira.
Eraikinak dituen sei barrutietako edukiera erdia baino gutxiagora murriztuko da, 3.770etik 1.634ra. Ondorioz, Auditoriuma 2.164 eserleku izatetik 1.000 izatera igaroko da; 0A aretoa, 150etik 55era; 0B, 613tik 103ra; 0C, 103tik 50era; 0D, 305etik 85era; eta 0E, 435etik 144ra.
Protokolo eta zerbitzu berriak
Euskalduna Jauregiak jarraibide berriak diseinatu ditu, bai “langile, sustatzaile, antolatzaile eta jarduerak antolatzen aritzen direnentzat”, baita “garbiketa eta desinfekzio lanetan aritzen direnentzat” ere. Jauregiak, gainera, erabili eta botatzeko aurikularrak eskainiko ditu aldibereko itzulpen zerbitzuetan.
Aldi berean, segurtasuna bermatzeko asmotan, kanpoko sarreretan eta barruko pasabideetan norabidea zehazten duten seinale gehiago ezarri dira, eta airea garbitzeko sistema “efizienteagoa” jarri dute.
Jauregiak, gainera, eguneroko jardueretan segurtasun-jarraibideak diseinatzen lagunduko die antolatzaile eta sustatzaileei. Segurtasuna aztertzen dutenek erakundeek egin litzaketen segurtasun eta ikuskatze lanetarako Euskaldunako jardueretan parte hartu duten pertsonen harremanetarako kontaktuak ere jasoko ditu.
Horrez gain, maskarak “nahitaez” erabili eta segurtasun-distantziak gordetzen direla baieztatuko dute, eta sarrerak inprimatuta zein mugikorrean eraman beharko dira. Ikuskizuna ezeztatuz gero, “sarreren dirua itzuli egingo da”, Euskaldunak azpimarratu duenez.
Zure interesekoa izan daiteke
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.
Jone San Martinek "sORDA" ikuskizuna sortu du, gortasunaren inguruan
Dantza garaikidearen eta soinuaren zein isiltasunaren arteko elkarrizketa eskaintzen du dantzari donostiarrak ikuskizun berrian.
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.
“Urrats kolektiboak” pastoralaren testua, zubereraz eta batuan
Barkoxeko herritarrek 2025eko uztailaren 27an eta abuztuaren 2an eta 10ean antzeztu zuten pastorala, eta Euskal Telebistak 2026ko Aste Santuan emitituko du. EITBko Euskara Zerbitzuan euskara batura ekarri dute testua.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.