Atzerako kontaketa hasi da Durangoko Azokak ateak irekitzeko
Landako Gunea eta gainerako eremuak atontzeko lanak erritmo bizian ari dira egunotan asteazkenean, hilaren 6an, Durangoko Azokari hasiera emateko. Hain zuzen, inaugurazio ekitaldia 12:00etan egingo dute, Szenatokian (San Agustin kulturgunean). Bertan, antolatzaileek eta erakundeetako ordezkariek hartuko dute hitza, eta sormenak ere bere lekua izango du, dantza, pintura eta musika uztartzen dituen DAMA arte performacea estreinatuko baitute Amaia Lejarreta artista plastikoak eta Janire Etxabe dantzari bertikalak.
Aurtengo egitarauak 265 ekitaldi hartuko ditu, "zein baino zein interesgarriagoak", eta, aurkezpenean iragarri zuten bezala, ekintza sorta "anitza, aktuala eta gaztea" izango da, lehenengo egunetik hasita.
Asteazkenean, inaugurazio-ekitaldiaren ostean, gunez gune askotarikoak topatuko ditu bisitariak. Hala, esaterako, Ahotseneako solasaldien gunean (Musika Eskola), Esti Martinezek, Oihane Amantegik eta Bernardo Atxagak liburuak aurkeztuko dituzte; Ahotseneako zuzenekoetan (Plateruena), Nogen taldearen folk-rocka eta Esanezin proiektuaren pop melodikoa entzun ahalko dira, baita fantasiaz betetako Yogurinha Borovaren kontzertua ere.
Irudienean, dokumentalek hartuko dute protagonismoa, Gure Zirkuari buruzko lanaren aurrestreinaldiarekin, Bidasoa 2018-2023 filmaren solasaldiarekin eta Arantzazu. 36 zm, 5 mende, herri bat dokumental historikoaren emanaldiarekin.
Kabia plaza digitalean, bertaratuko direnek teknologia berrien eta errealitate birtualaren munduan murgiltzeko aukera izango dute, eta Saguganbaran imajinaziorako txokoa izango dute haurrek eta familiek. Azkenik, arte eszenikoen Szenatokian (San Agustin kulturgunea), Taulelak konpainia durangarrak Euskaldungak obra estreinatuko du, eta Mikel Martinezen bakarrizketak umorez jantziko du aretoa.
Gainera, udalerriko hamaika txokotan zehar erakusketa eta ekimen ugari ere topatu ahal izango dira asteazkenetik aurrera. Aipagarrienetako bat Eskuahaldunak eskultoreen elkartearen erakusketa izango da, 80 artistaren 200 bat eskultura jasoko dituena. Elkarte horren lokalaren aurrean, Mikeldi obraren egurrezko erreplika bat jarriko dute, lau metroko altuerakoa; astelehen honetan hasi dira hori eraikitzen Durangoko Institutuko Arte Ederren Batxilergoko ikasleekin batera.
Garraio publikoa
Auto-pilaketak saiheste aldera, Durangoko Azokaren antolatzaileek garraio publikoa erabiltzeok gomendioa egin dute. Hala ere, Durangora heltzeko autoa erabiliko dutenentzako ere doako autobus zerbitzu bat jarriko dute aukeran, Iurretako autopista irteerako aparkalekuetatik Landako ondoko Olleria kaleraino.
Autobus zerbitzua azokaren lau egunetan egongo da erabilgarri, 10:00etatik 20:00etara arte, ordu erdian behin. Durangoko Azokaren ordutegia 10:30etik 20:00etarakoa izango da, baina azken egunean 18:00etan itxiko da.
Zure interesekoa izan daiteke
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.