Tradizioa eta modernitatea uztartuko ditu ABAO Bilbao Operak bere 73. denboraldian
"Denboraldi honetan, XIX. mendeko erromantizismo berantiarraren eta erromantizismo ostekoaren ereduen tradizio unibertsala eta XX. mendeko modernotasun ebolutiboa izango dira ikusgai, komedia, verismo eta drama erregistroekin". Modu horretan aurkeztu dute gaur ABAO Bilbao Operaren 73. denboraldia. Urriaren 19an hasiko da Donizettiren 'Don Pasquale' obra taularatuz.
Bilbon egin duten agerraldian, Juan Carlos Matellanes eta Cesidio Niño ABAO Bilbao Operako presidenteak eta zuzendari artistikoak, hurrenez hurren, azaldu dituzte denboraldi berriko xehetasunak. Horien hitzetan, "eskaintza artistiko zabalaz gain, dibulgazio saio gehiago eta gizarte programa anitza" jaso dute egitarauan.
'Liluragarriki opera' goiburupean, nazioarteko abeslari entzutetsuenak eta estreinaldi sonatuenak iritsiko dira Bizkaiko hiriburua. "Estreinaldiak, ekoizpen berriak eta koprodukzioak, kalitate gorena lortzeko etengabeko ahaleginean, bazkideak eta zaleak liluratzeko asmoz", esan dute.
Eskainiko diren operen eta ikuskizunen artean, nabarmentzekoak dira 'Don Pasquale' eta 'Il Trittico' obretarako ABAOk ekoitzitako lan berriak. Halaber, berriro 'Otello' taularatuko da, hori ere, ABAOren ekoizpen propioa.
Carlos Alvarez, Angeles Blancas, Karita Mattila, Chiara Isotton, Gwyn Hughes Jones, Oksana Dyka, Silvia Tro Santafe, Ismael Jordi, Jorge de Leon edota Ermonela Jaho dira denboraldi berrian Bilbon entzun ahal izango diren ahots handienetako batzuk.
Horrez gain, ABAO Txikiren egitaraua ere nabarmendu du Matellanesek. Aurten bi hamarkada beteko dituen ekimenak, lau ikuskizun handi taularatuko ditu adin guztietako herritarrentzat. "Horietako hiruk eskola-saioak izango dituzte, ABAOk prestakuntzarekin, musika-hezkuntzarekin, eta haurrekin eta familiekin duen konpromisoa berresteko", erantsi dute.
Opera "gizarte osoari hurbiltzeko konpromisoarekin", abonamenduen eta ohiko sarreren prezioak merketu egingo dira, hainbat modalitatetan.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.