Kukai gailurrera eraman dute Max sariek
Uzta oparoa jaso du Euskal Herriko eszenak XX. Max sarietan, eta goren-gorenean kokatu da Kukai dantza taldea, hiru sari eskuratu baititu, tartean dantza ikuskizunik onenarena.
Zazpi izendapen zituen Jon Mayak zuzentzen duen taldearen 'Oskara' ikuskizunak, eta azkenean hiru etxeratu ditu. Izan da, ordea, saria jaso duen beste euskal ordezkaririk ere. Alfredo Sanzol zuzendari iruindarrak antzerki egilerik onenaren golardoa eskuratu du 'La Respiración' lanagatik. Jokin Oregi buru duen Marie de Jongh konpainia bilbotarrari haur ikuskizunik onenaren Max saria eman diote. Azkenik, Ainhoa Santamaria aktore gasteiztarrak antzeztaldeko emakumezko antzezle onenaren saria eskuratu du 'La Estupidez' lanean egindako paperagatik.
Valentziako Arts Reina Sofia jauregian banatu dituzte sariok, eta ozen entzun dira euskararen eta adierazpen askatasunaren aldeko aldarriak.
Kukairen 'Oskara' ikuskizunak hiru Max sari jaso ditu: Jantzien diseinurik onenarena (Iraia Oiatzabal), Dantza talderik onenarena (Jon Maya, Eneko Gil, Martxel Rodriguez, Ibon Huarte, Urko Mitxelena, Alain Maya eta Jonatan Lopez) eta Dantza ikuskizunik onenarena.
Saria jasotzean, duela 80 urte izandako Gernikako bonbardaketa izan du gogoan Jon Maya dantzari eta Kukairen zuzendariak. Horren hitzetan, "herri oso bati egindako bonbardaketa izan zen hura, eta zoritxarrez, egunero gertatzen dira Gernikakoaren modukoak". Mayak nabarmendu duenez, "gure hizkuntzaren alde altxatu ziren horiei esker egin ahal izan dugu gaur egun 'Oskara', eta dantza egiteko deia egin du. Izan ere, horren aburuz, "dantzatzen duen herria ez da inoiz hilko". "Izan dantzari, bizi dantzari, dantzatzen ez duen herria ez da inoiz hilko! Gora herria!", gaineratu du.
Bestalde, Eneko Gil Kukai konpainiako dantzariak azken aldian boikota jasan duten euskal aktoreekin partekatu du saria: "Sagar honen zati bat Miren Gaztañagari, Itziar Ituñori eta Gontzon Sanchezi eskaini nahi diegu, adierazpen askatasunaren alde. Boikot nazkagarririk ez, ez dugu merezi eta. Jarrai dezagun dantzan!".
Jokin Oregi (Marie de Jongh konpainia), saria jasotzen. EFE
Zure interesekoa izan daiteke
“Andereño” antzezlana saritu dute Max sarietan
Anita Maravillas euskal konpainiaren txotxongilo ikuskizunak haur, gazte eta familientzako lan onenaren saria jaso du bart, Meridan. Gainera, Jesus Cimarro ermuar ekoizleak Ohorezko Max saria irabazi du, eta Ezezagunok Irungo afizionatuen antzerki elkarteak, gizarte arloko Max saria.
“Laster eroriko da” Metrokoadrokaren “komedia basatiak” irabazi du Korrikaren Sorkuntza Beka
Metrokoadroka kolekitboaren proiektuak 23.000 euroko laguntza jasoko du, eta emaitza 2027ko azarotik 2028ko apirilera bitartean antzeztuko da, Korrika Kulturalaren barruan.
Euskal antzerkia, Meridara begira
Max arte eszenikoen Espainiako sariak ekainaren 1ean banatuko dituzte, Meridako Erromatar Antzokian. "Andereño" da hautagaitza gehien dituen euskal lana, hiru. Ganso & Co konpainiaren "Welcome & Sorry" kaleko ikuskizun onenaren atalean da finalista, Iruñeko Las Nenas Theatrek lan berri onenaren saria lor lezake "Torcidxs" sariari esker, Irungo Ezezagunak taldeak zaleen Max saria jasoko du eta Jesus Cimarro ermuar ekoizleak Ohorezko Maxa.
Euskaldunak zazpi ikuskizun aurkeztuko ditu Aste Nagusiko programazioan
‘Euskalduna Nagusia’ izenburupean, "Cabaret" musikala, "El Caserío" zarzuela, "Menú cerrado", "Operación Maletero - Kastañuela Western" eta "El amor no se reproduce en cautividad" antzezlanak, "Z.U.K.U.A." euskarazko umore ikuskizuna eta "Marika de Gernika" bakarrizketa programatu dituzte abuztuaren 19tik irailaren 26ra arte.
Tilda Swintonek perfomance bat gorpuztuko du Guggenheimen
House of Gestures Olivier Saillard komisario eta performerrak sortutako lana Swintonek haragituko du. Sarrerak, doako 220 txartel, minutu gutxian saldu dira.
Xabier Anduaga, Angel Ruiz eta Ana Garay saritu dituzte Talia sarietan
Arte Eszenikoen Espainiako Akademiak bere sarien laugarren edizioa egin du bart Madrilen.
45 konpainia eta ia 100 emanaldi Leioako Umore Azokan, maiatzaren 14tik 17ra
Kale antzerkiko Leioako azokaren 26. edizioan, hogei bat euskal konpainiak hartuko dute parte. Gainera, topaketa profesionaletan, sektoreko 300 agente inguru bilduko dira.
“La maestra”, “Welcome & Sorry” eta “Torcidxs”, Max sarietarako izendatuta
Arte eszenikoen Espainiako sarietan, gainera, Jesus Cimarro bizkaitar ekoizleak Ohorezko saria jasoko du. SGAE Egile eta Editoreen Espainiako Elkarteak antolatzen duen sariketa ekainaren 1ean egingo dute, Meridan.
Shakespeare Alkizara eraman du Dantzertik
Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Arriaga Antzokiak La Cubana taldearen "La cuisine de ma cousine" lana eskainiko du udan
Kataluniar konpainiak 29 emanaldi egingo ditu Bilboko antzokian, abuztuaren 13tik irailaren 13ra bitartean.