Xabier Anduaga, Angel Ruiz eta Ana Garay saritu dituzte Talia sarietan
Arte Eszenikoen Espainiako Akademiak bere sarien laugarren edizioa egin du bart Madrilen.
Xabier Anduaga tenor donostiarrak irabazi du gizonezko lirikari onenaren Talia saria
AAE Arte Eszenikoen Espainiako Akademiak Talia sarien laugarren edizioa izan du bart, astelehenarekin, Madrilgo Teatros del Canalen; sariak oso banatuta geratu dira ikuskizunen artean eta Palestinaren aldeko oihuak ugari entzun dira agertoki gainetik.
Xabier Anduaga donostiar tenorrak lirikako gizonezko interprete onenaren saria eraman du La sonnambula operan egindako lanagatik, eta Ana Garay bilbotarrak jantzi onenen saria jaso du Yerma ikuskizunerako lanagatik. Angel Ruiz iruindarrak, bestalde, testudun antzezlan bateko gizonezko aktore onenaren saria bereganatu du, El rey de la farándula antzezlanari esker.
Esencia Ignacio Garcia Mayk idatzi eta Eduardo Vascok zuzendu duten ikuskizuna izan da gaueko antzezlan sarituenetakoa. Bestalde, testudun antzezlanetako aktore onenak Nathalie Poza (Un tranvía llamado deseo) eta, esan bezala, Angel Ruiz iruindarra (El rey de la farándula) izendatu dituzte.
Musikalei dagokienez, Los miserables ATH Entertainment Españaren ikuskizunak lau Talia sari eraman ditu.
Horrez gain, Ibilbide Profesionalaren Ohorezko saria María Galianarentzat izan da.
Dantzan, Calentamientok hiru Talia sari irabazi ditu, eta lirikaren eremuan ere oso banatuta egon dira sariak: Yermak ikuskizun onenarena eta jantzi onenena eraman du, Ana Garay bilbotarraren eskutik azken hori, eta interprete onenak Ruth Iniesta (La traviata) eta Xabier Anduaga (La sonnambula) izan dira.
Zure interesekoa izan daiteke
45 konpainia eta ia 100 emanaldi Leioako Umore Azokan, maiatzaren 14tik 17ra
Kale antzerkiko Leioako azokaren 26. edizioan, hogei bat euskal konpainiak hartuko dute parte. Gainera, topaketa profesionaletan, sektoreko 300 agente inguru bilduko dira.
“La maestra”, “Welcome & Sorry” eta “Torcidxs”, Max sarietarako izendatuta
Arte eszenikoen Espainiako sarietan, gainera, Jesus Cimarro bizkaitar ekoizleak Ohorezko saria jasoko du. SGAE Egile eta Editoreen Espainiako Elkarteak antolatzen duen sariketa ekainaren 1ean egingo dute, Meridan.
Shakespeare Alkizara eraman du Dantzertik
Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Arriaga Antzokiak La Cubana taldearen "La cuisine de ma cousine" lana eskainiko du udan
Kataluniar konpainiak 29 emanaldi egingo ditu Bilboko antzokian, abuztuaren 13tik irailaren 13ra bitartean.
Alfredo Sanzol Gayarrera iritsiko da, senidetasunari eta doluari buruzko hausnarketa batekin
La última noche con mi hermano nafarrak idatzi eta zuzentzen duen lana ostiralean eta larunbatean taularatuko dute, Iruñean.
Alex Gerediagak “Gesualdo WC Station” estreinatuko du asteburuan Arriagan
Bilboko udal antzokiak ekoitzi duen ikuskizuna Carlo Gesualdo italiar konpositorearen historia du kontagai.
Euskal Herriko emakume meatzarien historia ikusezina taularatu du Kalamua Sopelako taldeak
Kalamua Sopelako antzerki taldeak Euskal Herriko emakume meatzarien historia taularatu du Alas de hierro lanarekin. Taldea osatzen duten sei emakumeek sormena, aldarrikapena eta umorea uztartu dituzte. Ez dute emakume meatzarien abesti edo ereserkirik aurkitu, asko bilatu badute ere, baina hori ez da oztopo izan.
:eitb-square?$eitb-square$&fmt=webp-alpha&qlt=80, default=https://eitb.scene7.com/is/image/eitb/Itzulera_Dejabu © Renata Etanowski (3)?fmt=webp-alpha&qlt=80, banner_small=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-small?$eitb-banner-small$&fmt=webp-alpha&qlt=80, banner_header=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-header?$eitb-banner-header$&fmt=webp-alpha&qlt=80, cintillo=https://eitb.scene7.com/is/image/eitb/Itzulera_Dejabu © Renata Etanowski (3):eitb-cintillo?$eitb-cintillo$&fmt=webp-alpha&qlt=80, banner=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner?$eitb-banner$&fmt=webp-alpha&qlt=80, mini_square=https://eitb.scene7.com/is/image/eitb/Itzulera_Dejabu © Renata Etanowski (3):eitb-mini-square?$eitb-mini-square$&fmt=webp-alpha&qlt=80, portrait=https://eitb.scene7.com/is/image/eitb/Itzulera_Dejabu © Renata Etanowski (3):eitb-portrait?$eitb-portrait$&fmt=webp-alpha&qlt=80, banner_2x1=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-2x1?$eitb-banner-2x1$&fmt=webp-alpha&qlt=80, semi_square=https://eitb.scene7.com/is/image/eitb/Itzulera_Dejabu © Renata Etanowski (3):eitb-semi-square?$eitb-semi-square$&fmt=webp-alpha&qlt=80, banner_mobile=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-mobile?$eitb-banner-mobile$&fmt=webp-alpha&qlt=80})
“Itzulera” Dejabu konpainiaren lanak irabazi du Donostia Antzerki saria
2025ean Donostian konpainia profesional batek euskaraz publiko helduarentzat egin duen lan onena izan da, epaimahaiaren arabera. 12.000 euroko saria eta margolan bat jasoko du konpainiak sari gisa, martxoaren 27an, eta antzezlan irabazlea taularatuko dute.
Lautan Hiru antzerki jaialdiak zortzi ikuskizun eskainiko ditu
Lau astez egingo dituzte antzerki emanaldiak Bilbon, ostegunetan, eta Baionara ere iritsiko da jaialdia, apirilaren 17an.