Abel Azconak 'Amen' saldu du, eta jasotako dirua bi GKEri emango die
Abel Azcona artistak 'Amen' artelan polemikoa saldu egin du, 285.000 euroren truke, eta jasotako dirua haurrak babesten dituzten bi GKEri emango die, Twitter kontuan gaur goizean iragarri duenez. GKEetako batek, hain zuzen, "elizaren altzoan" egindako abusuen biktimak babesten ditu.
Artelana bi argazkik osatzen dute; irudiotan hostiekin egindako "pederastia" hitza irakur daiteke. Izan ere, artistak Iruñean eta Madrilen ospatutako 242 mezatan jasotako hostiekin egin du lana.
Azconaren arabera, "performer-ek egindako lan bikainari esker" saldu ahal izan dute 'Amen'. Gainera, argitu duenez, lortutako dirua ematea "zuzena" da "salatzeko asmoz egindako proiektua" delako, "ez dirua irabazteko".
'Desenterrados' erakusketaren parte da 'Amen'. Aurreko azaroan inauguratu egin zuten erakusketa eta zenbait talde katolikoren eta, esaterako, UPN alderdiaren protestak ekarri ditu.
Gaienera, Gotzaindegiak Katedralean "irain-ordeko" meza egitea eragin zuen Abel Azcona iruindarraren lanak. Bertan, artzapezpikuak Eukaristiaren "profanazioa" eta "sakrilegio larria" gogor" gaitzetsi zuen.
Horrez gain, asteartean arrosarioa izaten da, erakusketa aretoaren aurrean, eta "maslibres.org" plataformak sinadura bilketa abiatu zuen Fiskaltzak ofizioz jardun zezan, ustez, erlijio-askatasunaren aurkako delitua egin zuelako.
Zure interesekoa izan daiteke
Mikel Chillidak hartuko du Chillida Lekuren zuzendaritza
Museoaren "etorkizuna zehazten laguntzea benetako pribilegioa" dela esan du Eduardo Chillida artistaren bilobak. Apirilaren 1ean hartuko du kargua.
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…