Paul Fuentes diseinatzaileak Donostiako inauterietako kartela plagioa dela salatu du
2018ko apirilaren 24an, Paul Fuentes mexikar diseinatzaileak “60ko hamarkadakoen moduko” llama baten irudia argitaratu zuen bere Instagram kontuan. Pop-arteko ale iradokitzaile eta koloretsuak erakutsi ohi ditu bertan diseinatzaileak, eta, oraingoan, animalia buruan zapi bat zuela eta eguzkitako betaurrekoak jantzita ageri zen.
Hogeita bi hilabete geroago, otsailaren 5ean, Donostia Kulturak aurtengo inauterietako kartela aurkezteko egindako ekitaldian, llama hori berori ikusi ahal izan genuen denok, Maher Abed Madrilen bizi den tunisiarrak egindako kartel deigarrian. Fuentesek diseinatu eta argitaratutako animalia bera zen udal lehiaketako kartel irabazlearen protagonista, betaurrekoen kolorea apur bat aldatuta eta ezpainak margotuta.
Fuentesek berak Instagramen eman du iritzia, eta salatu du copyrightarekin babestutako bere irudia lapurtu duela Abedek, 1.000 euroko saria zuen lehiaketa irabazteko, nahiz eta berorren oinarrietan argi eta garbi esaten den lan “argitaragabe eta jatorrizkoak” aurkeztu behar direla.
Abedek eitb.eus-i azaldu dionez, ez zekien argazkiaren gainean egile eskubiderik zegoenik, ez baitzuen hartu ez Paul Fuentesen webgune ofizialetik ezta Instagrameko beraren profiletik ere. Gertatutako guztia deitoratu du eta Fuentesi eskatu dio egile eskubideak erreklamatzea. Gainera, Instagramen “Fuentesen komunitatearengandik” jaso dituen “irain eta erasoak” etsita utzi dutela gaineratu du, eta “jazo den guztiagatik” barkamena eskatu du, bihotzez.
Irudiaren erabilera, “etenda”
Donostia Festak, udal erakundetik, kartelaren egiletzaren inguruan gertatu den guztia damu dutela adierazi dute.
“Egileari eskatu diogu salaketa eta erreklamazio prozesuari ekiteko, guri, Donostia Festak erakundeari, ahalik eta azkarren esku hartzea errazagoa izan dakigun. Hasteko, irudiaren erabilera eten egingo dugu, eta, plagioa baieztatuz gero, 2020ko irabazlea ez dugu aintzat hartuko Donostiako inauterien palmares historikoan”, esan dute ohar batean.
Zure interesekoa izan daiteke
“Gorputz geometrikoak” erakusketak Nora Aurrekoetxea eta Larry Bell gonbidatu ditu, Chillida intepreta dezaten
Chillida Lekuko erakusketa berria Estela Solana komisarioak gidatu du, eta ibilbide bat proposatzen du Eduardo Chillidaren obraren aroetan zehar, lehen lan figuratiboetan hasi eta hiru dimentsioko espazioak sortzen dituzten arkitektura kutsuko azken lanetaraino. Chillidaren obrak Nora Aurrekoetxearen eta Larry Bellen pieza banarekin lagunduta ageri dira. Ekainaren 25etik urriaren 26ra egongo da bisitagai.
Guggenheimek Philippe Parrenoren eta Carmen Herreraren atzera begirako erakusketak egingo ditu 2027an
Guggenheim Bilbao Museoa Fundazioaren Patronatuak bilera egin du bart museoan, eta datorren urteko programazio artistikoa aletu dute bertan. 30. urteurrena dela eta, bilduma propioaren aurkezpen berri bat ere lantzen ari dira.
Publikoak asteazkenean ikusi ahal izango du Arte Ederren Bilboko Museoko atari berria
Museo zaharberritua urriaren 5ean ireki aurretik, publikoak asteazkenean, ekainak 24 (10:00-20:00), ikusi ahalko du, salbuespen gisa eta hitzordua hartu beharrik gabe, eraikinaren atari berria. Francisco de Durriok Arriagaren omenez egin zuen eskultura berriz jarri dute, eta ikusgai daude, halaber, Topalekua, Eduardo Chillidarena, eta Bilbao, Richard Serrarena.
David Hockney britainiar artista zendu da
Margolariak, Erresuma Batuko pop artearen izen handietako batek, 88 urte zituen.
Zabalik dago Euskal Museoa
Bilboko museo zaharberrituaren ateak gaur goizean ireki dituzte, hainbat urteko lanen eta 20.397.401,53 euroko inbertsioaren ostean. Hamar egunez, sarrera doakoa izango dute herritarrek.
Xabier Paya Bilbao Bizkaia Museoak erakundearen zuzendari nagusi izendatu dute
Sorkunde Aiarza Bilbao Bizkaia Museoak erakundearen zuzendari kudeatzailearekin batera jardungo da Paya Euskal Museoa Bilbao, Bilboko Berreginen Museoa eta San Frantziskoko komentuko aztarnategia kudeatzen dituen erakundea gidatzen.
Bilboko Euskal Museo berritua ekainaren 10ean irekiko dute eta sarrera doakoa izango da hamar egunez
Zaharberritze arkitektoniko zein museografiko sakon baten ondoren, ekainaren 21era arte herritarrak doan sartu ahalko dira Euskal Museora, Bilbon. 50.000 piezako bilduma erakusteko espazioan 20.397.401,53 euroko inbertsioa egin dute Bizkaiko Foru Aldundiak eta Bilboko Udalak, eta proiektuak 5.000 m2 baino gehiagoko erakustokia irabazi du.
Jasper Johnsen 134 lan bildu ditu Guggenheimek
Estatubatuar artistak zazpi hamarkadako ibilbidean eginiko lanaren atzer begirako erakusketa antolatu du Bilboko museoak. Urriaren 12ra arte, "Night driver"bildumak pinturak, eskulturak, marrazkiak, grabatuak, liburu bat eta eszenografia bat eskainiko dizkio bisitariari.
Bilboko Euskal Museoaren inaugurazioa
Jarraitu zuzenean Bilboko Euskal Museo berrituaren inaugurazio ekitaldia.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.